चिनियाँ विदेशमन्त्रीको अध्यक्षतामा त्रिपक्षीय भेटघाट

बेइजिङ, । चीनको विदेश मन्त्रालयका प्रवक्ताले शनिबार घोषणा गरेका छन् कि चीनका विदेश मन्त्री वाङ यीले आगामी डिसेम्बर २८ र २९ मा चीनको युन्नान प्रान्तमा कम्बोडिया र थाईल्याण्डका विदेश मन्त्रीहरूसँग भेटघाट गर्नेछन्।

प्रवक्ताको अनुसार, चिनियाँ कम्युनिस्ट पार्टीको केन्द्रीय राजनीतिक ब्युरो सदस्य तथा विदेश मन्त्री वाङ यीको निम्तोमा, कम्बोडियाका उपप्रधानमन्त्री तथा विदेश र अन्तर्राष्ट्रिय सहयोग मन्त्री प्राक सोखोन र थाईल्याण्डका विदेश मन्त्री सिहासक फुङकेटकियो नेतृत्वको प्रतिनिधिमण्डलले सो मितिमा युन्नान प्रान्तमा भेटघाट गर्नेछन्।

यसै शुक्रबार (डिसेम्बर २७) मा, कम्बोडिया र थाईल्याण्डले विशेष सामान्य सीमा समितिको बैठकमा युद्धविराममा सहमति जनाउँदै एक संयुक्त विज्ञप्ति मार्फत सम्झौतामा हस्ताक्षर गरेका थिए।

यससँग सम्बन्धित प्रश्नको जवाफमा विदेश मन्त्रालयका प्रवक्ताले स्पष्ट पारे कि चीनले कम्बोडिया र थाईल्याण्डबीच युद्धविराम सम्बन्धी संयुक्त विज्ञप्तिलाई स्वागत गर्दछ। उनले भने, “यसले प्रमाणित गर्दछ कि जटिल विवादहरू समाधान गर्न वार्ता र परामर्श एक व्यवहार्य र प्रभावकारी तरिका हो।”

प्रवक्ताले यस निम्ति चीन, आसियान र अन्तर्राष्ट्रिय समुदायले सामूहिक प्रयास गरेको बताउँदै कम्बोडिया र थाईल्याण्डबीच पर्याप्त र विस्तृत संवादको लागि चीनले आफूलाई मञ्च उपलब्ध गराउन र अवस्था सिर्जना गर्न तयार रहेको जानकारी दिए।

प्रवक्ताका अनुसार, युन्नान प्रान्तमा हुने भेटघाटमा तीनै देशका विदेश मन्त्री बाहेक तीनै देशका सैन्य प्रतिनिधिहरूले पनि सहभागी हुनेछन्।

प्रवक्ताले यो भेटघाटमा चीनले आफ्नै तरिकाले कम्बोडिया र थाईल्याण्डले युद्धविराम कायम राख्न, आदानप्रदान पुनः सुरु गर्न, राजनीतिक विश्वास पुनर्निर्माण गर्न, द्विपक्षीय सम्बन्धमा सुधार ल्याउन र क्षेत्रीय शान्ति कायम राख्न रचनात्मक भूमिका खेल्ने बताए।