फीनिक्स झण्डा फेरि चोङवादेमा, राष्ट्रपति कार्यालय स्थानान्तरण सम्पन्न
सोल, दक्षिण कोरिया – तीन वर्ष सात महिनाको अन्तरपछि, दक्षिण कोरियाको राष्ट्रपतिको प्रतिक “फीनिक्स झण्डा” रविवार मध्यरातमा ऐतिहासिक चोङवादे (ब्लू हाउस) परिसरमा फेरि स्थापना गरिएको छ।
स्थानीय मिडियाका अनुसार, यो कदम राष्ट्रपति कार्यालयलाई चोङवादेमा पुनः स्थानान्तरणको आधारभूत पूर्णताको संकेत मानिन्छ। राष्ट्रपति कार्यालयले रविवार नै घोषणा गरेको थियो कि राष्ट्रपति ली जे म्युङ आज (सोमबार) ब्लू हाउसमा पहिलो पटक कार्यभार सम्हाल्ने छन्।
सन १९४८ देखि, चोङवादे लगभग सबै दक्षिण कोरियाली राष्ट्रपतिको आवास र कार्यालय थियो। तर, पूर्व राष्ट्रपति यून सुक-योलले मे २०२२ मा पद सम्हालेपछि राष्ट्रपति कार्यालय योङसन जिल्लाको पूर्व राष्ट्रिय रक्षा मन्त्रालय भवनमा सारेका थिए, र ब्लू हाउस सार्वजनिकको लागि खोले।
यस वर्ष जुन महिनामा, वर्तमान राष्ट्रपति लीले राष्ट्रपति कार्यालय फेरि चोङवादे सार्ने योजनाको घोषणा गरेका थिए। यसैअनुरूप हालको प्रक्रिया अगाडि बढेको हो।
