मेक्सिकोमा रेल दुर्घटना, धेरै यात्रुहरु घाइते
मेक्सिको सिटी, डिसेम्बर ३०। दक्षिणपूर्वी मेक्सिकोको निजान्डा नजिकैको पुलमा हिजो आइतबार एक सवारी रेलगाडी पुलेर खोलामा ढलेको छ। दुर्घटनामा धेरैजना घाइते भएका छन् र केही यात्रु फसेका छ।
मेक्सिकोको नौसेना सचिवालयले सामाजिक सञ्जालमा दुर्घटनाको जानकारी दिंदै २४१ यात्रु र ९ कर्मचारी भएको रेलगाडी दुर्घटनाग्रस्त भएको बताएको छ। ओक्साका प्रदेशका गभर्नर सालोमन हाराको भनाइ अनुसार, रेलगाडी माटियास रोमेरो नगरपालिकातर्फ जाँदै गर्दा पुलबाट ढलेर खोलामा खसेको हो।
हाल घाइतेहरूलाई उद्धार गर्न र फसेका यात्रुहरूलाई निकाल्न रेस्क्यू अभियान सुरुवात भएको छ। प्रहरी, नौसेना र सिविल प्रोटेक्सनका कर्मचारीहरूले डोरी र विशेष उपकरणको प्रयोग गर्दै उद्धार कार्य गरिरहेका छन्।
“प्रदेश सिविल सुरक्षा समन्वय, प्रहरी र एम्बुलेन्स सेवाहरू नौसेना सचिवालयसँग समन्वय गर्दै सहयोग पुर्याइरहेका छन्। हामी नयाँ जानकारी दिँदै गर्नेछौं,” गभर्नर हाराले भनेका छन्।
दुर्घटनाको कारण अहिलेसम्म प्रकाशित भएको छैन, तर प्रारम्भिक अनुमान अनुसार पुलको संरचनागत समस्या वा रेलमार्गको त्रुटि यसको कारण हुनसक्छ। स्थानीय अधिकारीहरूले घाइतेहरूलाई नजिकैका अस्पतालहरूमा उपचारका लागि लगिएको बताएका छन्।
रेल दुर्घटनाले मेक्सिकोमा यातायात सुरक्षाको चिन्ता पुनः जागृत गरेको छ। हालसम्म मृत्युको खबर प्राप्त भएको छैन, तर उद्धारकर्मीहरूले चाँडो रेस्क्यू अभियान पूरा गर्न जोड दिएका छन्।
