क्युबा स्वतन्त्र, सार्वभौमिक राष्ट्र हो : ट्रम्पको आरोपप्रति राष्ट्रपति दियाज–क्यानेलको कडा प्रतिक्रिया

काराकास/हावाना – क्युबाका राष्ट्रपति मिगुएल दियाज–क्यानेलले संयुक्त राज्य अमेरिकाका राष्ट्रपति डोनाल्ड ट्रम्पले क्युबामाथि लगाएका आरोपलाई कडा शब्दमा खण्डन गरेका छन्।

दियाज–क्यानेलले आइतबार आफ्ना आधिकारिक सोशल मिडिया एकाउन्ट X मार्फत दिएको विज्ञप्तिमा क्युबा स्वतन्त्र, स्वतःनियन्त्रित र सार्वभौमिक राष्ट्र भएको स्पष्ट पारेका छन्, र ट्रम्पको तेलको साटो भेनेजुएलालाई “सुरक्षा सेवा” प्रदान गरेको दावीलाई अस्वीकार गरेका छन्।

राष्ट्रपति दियाज–क्यानेलका अनुसार, संयुक्त राज्य अमेरिकालाई क्युबाको अवस्थाबारे निन्दा गर्न कुनै आचारिक नैतिक अधिकार छैन, र अमेरिकाले सबै कुरा, यहाँसम्म कि मानिसको जीवनलाई समेत व्यापारको पेशा बनाएको आरोप लगाएका छन्। अमेरिकी पक्ष क्युबामा आफ्नो राजनीतिक मोडल चुनिने सार्वभौमिक निर्णयप्रति “अत्यधिक प्रतिक्रिया” देखाइरहेको दियाज–क्यानेलले बताएका छन्।

दियाज–क्यानेलले थप भनेका छन् कि क्युबाको आम जनता आज भोगिरहेको गम्भीर आर्थिक संकटका लागि क्युबा क्रान्तिलाई दोष लगाउनेहरूले लाज मान्नुपर्छ। उनले आग्रह गरे, “जो क्युबा क्रान्तिलाई दोष लगाउँछन्, तिनीहरूले थुक्क लाज मान्नुपर्छ किनभने यी समस्याहरू छ दशकदेखि अमेरिका द्वारा थोपिएका कडा नाकाबन्दी र प्रतिबन्धका उपायहरूका परिणाम हुन्।”

क्युबा, दियाज–क्यानेलले बताए अनुसार, कुनै देशलाई आक्रमण वा धम्की दिदैन, तर यदि आवश्यक परे आफ्नो सुरक्षाका लागि अन्तिम रगतको थोतामा पनि प्रतिरक्षा गर्न तयार रहेको स्पष्ट पारेका छन्।

यो प्रतिक्रिया उसबेला आएको हो, जब ट्रम्पले क्युबालाई भेनेजुएलाबाट प्राप्त तेल र आर्थिक सहयोग बन्द गर्ने चेतावनी दिएका थिए र वाशिङटनसँग सम्झौता गर्न आग्रह गरेका थिए। यस दाबीलाई क्युबाले आफ्नो सार्वभौमिकता र आत्मनिर्णयको अधिकारको विरुद्धको प्रयासका रूपमा लिएको छ।