युद्धको तयारी तयार छाैं र वार्ताकाे ढाेका पनि खुला छ: ईरानी विदेशमन्त्री
तेहरान, पुष ३० । ईरानका विदेश मन्त्री अब्बास आराघचीले अमेरिकी सैन्य कारबाहीको चेतावनीका बीच देश युद्धको लागि तयार छ तर वार्ताको द्वार खुला राखेको बताएका छन्।
अलजजीरालाई दिँदै आजको अन्तर्वार्तामा मन्त्री आराघचीले “वासिङ्गटनले सैन्य विकल्प परीक्षण गर्न चाहेमा, हामी त्यसको लागि तयार छौं” भने तापनि अमेरिकाले वार्तालाई नै प्राथमिकता दिने आशा पनि व्यक्त गरे।
उनले अमेरिकी विशेष दूत स्टिभ विटकफसँगको सम्पर्क विरोधभन्दा पहिले र पछि दुवै कालमा निरन्तर रहेको र अहिले पनि जारी रहेको दाबी गरे।
यो अन्तर्वार्ता अमेरिकी राष्ट्रपति डोनाल्ड ट्रम्पले ईरानी विरोधप्रदर्शनमा कारबाही गरेको भन्दै “अत्यन्त कडा विकल्प” सहित सैन्य कारबाहीको धम्की पछि आएको हो। ट्रम्पले आइतबार संवाददाताहरूलाई ईरानी अधिकारीहरूले वार्ताको प्रस्ताव राखेर अमेरिकासँग सम्पर्क गरेको र “भेटघाटको तयारी भइरहेको” बताएका थिए।
पाउस १३ देखि ईरानका धेरै शहरहरूमा विरोधप्रदर्शन सुरु भएको छ। सुरुमा तेहरान बजारका व्यापारीहरू राष्ट्रिय मुद्रा रियलको भाव गिरावट र महँगी विरुद्ध सडकमा उत्रिएका थिए भने पछि यो अन्य शहरहरूसमा फैलिएको छ। अशान्तिमा सुरक्षा बल र नागरिक दुवैको ज्यान गएको छ।
ईरानी अधिकारीहरूले यस अशान्तिमा अमेरिका र इजरायलको हात हुन सक्ने दाबी गरेका छन्।
आराघचीले अन्तर्वार्तामा अशान्ति पछि इन्टरनेट बन्द गर्नुको कारण पनि स्पष्ट गर्दै भने, “विदेशबाट आतंकवादी एजेन्टहरूलाई आदेश दिँदैको आवाज हामीले रेकर्ड गरेका छौं। उनीहरूले प्रहरी बलमाथि गोली हान्न र प्रहरी नभएमा प्रदर्शनकारीमाथि गोली हान्न निर्देशन दिएका थिए। उनीहरूको इरादा हत्या फैलाउने थियो।”
