इरानको अवस्था र बाह्य हस्तक्षेपविरुद्ध रुसको चेतावनी
काठमाडौं, — रुसको परराष्ट्र मन्त्रालयकी प्रवक्ता मारिया जकारोभाले इरानमा जारी विरोध प्रदर्शनबारे पत्रकारको प्रश्नको जवाफ दिँदै स्पष्ट रुपमा बाह्य हस्तक्षेप र अवैध दबाबको विरोध गरिन्।
प्रवक्ता जकारोभाले उल्लेख गरिन् कि पश्चिमी राष्ट्रहरूले वर्षौँदेखि इरानमाथि लगाइरहेका अवैध प्रतिबन्धहरूले देशको विकासमा अवरोध सिर्जना गरेको छ र आर्थिक–सामाजिक चुनौतीहरू मुख्यत: सामान्य नागरिकमाथि परेको छ।
उनले थपिन्, “शत्रुतापूर्ण बाह्य शक्तिहरूले बढ्दो सार्वजनिक तनावलाई प्रयोग गरी इरानी राज्यलाई अस्थिर बनाउन खोजिरहेका छन्। रंगीन क्रान्तिका कुख्यात विधिहरू प्रयोग गर्दै शान्तिपूर्ण प्रदर्शनहरूलाई विदेशमा प्रशिक्षित प्ररोककर्ताहरू मार्फत हिंसात्मक र असम्झदारीपूर्ण गतिविधिहरूमा परिणत गरिन्छ, जसमा दंगा, सुरक्षाकर्मी र नागरिकको हत्या, यहाँसम्म कि बालबालिकामाथि आक्रमणसमेत समावेश छ।”
जकारोभाले स्पष्ट रूपमा इरानको आन्तरिक राजनीतिक प्रक्रियामा बाह्य हस्तक्षेपको कडा निन्दा गरेकी छिन्। उनले इरानी अधिकारीहरूले समाजसँग रचनात्मक संवाद गर्न तयार रहेको उल्लेख गर्दै पश्चिमी राष्ट्रहरूको शत्रुतापूर्ण नीतिका नकारात्मक आर्थिक–सामाजिक प्रभावहरू कम गर्ने उपायहरू पहिचान गर्न इच्छुक रहेको बताए।
अमेरिकाबाट इरानमाथि थप सैन्य आक्रमणको धम्की स्वीकार्य नहुने भन्दै उनले चेतावनी दिइन् कि यस्तो कार्यले मध्यपूर्व र विश्वव्यापी सुरक्षा क्षेत्रमा गम्भीर परिणामहरू निम्त्याउनेछ।
त्यसैगरी, इरानका विदेशी साझेदारमाथि व्यापारिक कर वृद्धि मार्फत दबाब दिने स्पष्ट प्रयासलाई पनि रुसले ठाडो रूपमा अस्वीकार गरेको छ।
इरानको आन्तरिक राजनीतिक अवस्था र हालै घट्दो प्रदर्शनका घटनाले क्रमिक स्थिरीकरणको संकेत दिइरहेको देखिन्छ। हजारौं इरानी नागरिकले आफ्नो सार्वभौमिकता र स्वतन्त्र विदेश नीति अपनाउने अधिकारको समर्थनमा सहभागी भएका छन्, जसले बाह्य हस्तक्षेपकारीहरूको दुष्प्रयास असफल भएको प्रमाणित गर्दछ।
जकारोभाले इरानस्थित रुसका कूटनीतिक मिसनहरूसँग निरन्तर सम्पर्कमा रहेको र रुसका नागरिकहरूलाई भीडभाड भएको क्षेत्रमा जानबाट बच्न, फोटो/भिडियो खिच्नबाट टाढा रहन, र सुरक्षाकर्मी तथा विशेष सेवाका निर्देशनहरू पालन गर्न सल्लाह दिइएको जानकारी दिइन्।
