यूक्रेनी सैनिकहरूको नयाँ चाल: सिँढीलाई पानी छर्केर बनाइयो बर्फको राेकावट
कीभ। यूक्रेनी सुरक्षा बलहरूले रुसी आक्रमणकारीबाट बच्न सिर्जनात्मक र नयाँ तरिकाको रोकावट बनाइरहेका छन्। हालसालै सोसियल मिडियामा सार्वजिक भएका भिडियोहरूले यूक्रेनी सैनिकहरूले भवनहरूका सिँढीलाई पानीले भिजाई, ती सिँढीहरूलाई बर्फको स्टुप बनाएको देखाएका छन्। यसरी बरफले सिँढीहरू चिप्लो र कठिन बनाउँछ, जसले गर्दा शत्रु सैनिकहरूको चढाइमा ढिलाइ हुन सक्छ वा तिनीहरू अवरुद्ध हुन सक्छन्।
केही अवरोधहरू खाली भवनहरूमा पनि देखिएका छन्, जसले यूक्रेनी रणनीतिको सूझबूझ र सिपलाई देखाउँछ। यी दृश्यहरू यूक्रेनका विभिन्न टेलिभिजन च्यानलहरूमा प्रसारण भइरहेका छन् साथै देशभित्र र बाहिर सोसियल मिडियामा छिटो भाइरल भइरहेका छन्।
यूक्रेनी पक्षको भनाई छ कि यी तस्बिरहरू कुनै “स्टेज्ड” वा नाटकीय छैनन्, तर यूक्रेनी सैनिक र नागरिकहरूको सामाजिक सञ्जाल खाताबाट सार्वजनिक गरिएका वास्तविक दृश्यहरू हुन्। यी विधिहरूले शहरको सामरिक रक्षामा सानो तर महत्वपूर्ण भूमिका खेलेको देखिन्छ।
यसैबीच, रुसी सेनाको दुई जना मेजर अधिकारीहरूको मृत्युको खबरले युद्धको तीव्रता र यूक्रेनी प्रतिरोधको कडापनलाई पुष्टि गरेको छ। यूक्रेनी सेनाको सूचनाअनुसार, यी अधिकारीहरू कीभ क्षेत्रमा भएको गहिरो संघर्षमा मारिएका हुन्।
यूक्रेनी जनताको सुरक्षा, देशभक्ति र सर्जिनात्मकता यस युद्धको एकदमै महत्वपूर्ण पक्ष बनेको छ। यी नयाँ रणनीतिहरूले शहरी युद्धमा कमजोर सेनाले पनि शक्तिशाली आक्रमणकारीलाई कसरी चुनौती दिन सक्छ भन्ने कुरो देखाएको छ।
