मस्कोमा राष्ट्रपति पुतिन र फिलिस्तीनी अध्यक्ष अब्बास बीच आमसञ्चार
मस्को, २२ जनवरी २०२६ । रुसी राष्ट्रपति भ्लादिमिर पुतिनले फिलिस्तीनी राज्यका अध्यक्ष महमूद अब्बाससँग भएकाे आमसञ्चारको सुरुमै रुस-फिलिस्तीन सम्बन्ध गहिरो र विशेष गुणस्तरको भएको बताउँदै फिलिस्तीनी राज्य स्थापना नै मध्यपूर्व शान्तिको एकमात्र मार्ग हो भन्ने रुसको स्थायी र नीतिगत स्थिति दोहोर्याएका छन्।
सोभियत संघले १९८८ मै फिलिस्तीनी राज्यलाई मान्यता दिएको र आज पनि रुस त्यसै अवस्थितिमा रहेको उनले जोड दिए। “हाम्रो मध्यपूर्व शान्ति प्रक्रिया सम्बन्धी दृष्टिकोण सिद्धान्तनिष्ठ र खुलाविचारधाराकाे छ,” उनले भने, “फिलिस्तीनी राज्यको स्थापना र पूर्ण कार्यान्वयन नै संघर्षको अन्तिम समाधान हो।”
अब्बासले गत वर्ष महान देशभक्तिपूर्ण युद्धको ८०औं विजय पर्वमा सहभागीता जनाएकोमा पुतिनले आभार व्यक्त गर्दै क्षेत्रीय जटिलताका बावजूद द्विपक्षीय सम्बन्ध विकासमा रहेको उल्लेख गरे। व्यापार तीन गुणाले बढेको छ, तर निरपेक्ष रूपमा अझै थोरै नै रहेको उनले बताए।
मानवीय क्षेत्रमा सहयोग जारी रहेको र यसपालि १५० जना फिलिस्तीनी युवा रुसी विश्वविद्यालयमा अध्ययनरत रहेको पनि उनले उल्लेख गरे।
गाजा पट्टिको संकटको कठिन समयमा फिलिस्तीनी नेतृत्वको अनुरोधमा रुसले मानवीय सहयोग पुर्याएको समेत राष्ट्रपति पुतिनले स्पष्ट गरे। उनले बताए कि गाजा पट्टि ८०० टन भन्दा बढी राहत सामग्री, ३२ वटा मानवीय अभियान र गहुँ आपूर्ति गरिएको छ।
आजको छलफलमा गाजा, समग्र फिलिस्तीनी र इजरायल तथा फिलिस्तीनी ट्रयाकको वर्तमान स्थिति पनि विषयगत रहेको उनले सुनाए। साथै, अमेरिकी राष्ट्रपतिको “बोर्ड अफ पीस” नामक नयाँ संरचना गठन सम्बन्धी पहलकदमी पनि छलफलको एउटा मुद्दा रहेको बताए।
पुतिनले स्पष्ट गरे कि रुसले फिलिस्तीनी जनताको समर्थन, गाजा पुनर्निर्माण र फिलिस्तीनीका समस्याको समाधानका लागि यस नयाँ संरचनामा १ अर्ब डलर सहयोग गर्न तयार छ। यो रकम अमेरिकामा जम्मा गरिएको र पूर्व प्रशासनले फ्रिज गरेको सम्पत्तिबाट उपलब्ध गराउन सकिने उनले बताए। यस विषयमा अमेरिकी प्रतिनिधिसँग आज मास्कोमै भेटघाट र छलफल तयारी भएको उनले जानकारी दिए।
अन्तमा, रुस र फिलिस्तीनी बीच विभिन्न स्तरमा निरन्तर सम्पर्क कायम रहँदा खुसी भएको र उच्चस्तरीय आवागमन जारी रहेकोमा पनि राष्ट्रपति पुतिनले सन्तोष व्यक्त गरे।
