क्रस-बोर्डर जुवा विरुद्ध ‘उच्च दबाब’ कायम: चिनियाँ अधिकारीले गरे कडाइको आह्वानf
बेइजिङ। क्रस-बोर्डर जुवा विरुद्ध उच्च दबाबको स्वरुप कायम राख्दै समग्र र समन्वित उपायहरू मजबुत पार्न एक वरिष्ठ चिनियाँ अधिकारीले आह्वान गरेका छन्।
चिनियाँ कम्युनिष्ट पार्टी केन्द्रीय समितिको सचिवालय सदस्य तथा राज्य परामर्शदाता वाङ शियाओहोङले राष्ट्रव्यापी भिडियो सम्मेलनमा सीमापार जुवा समस्या समाधानको तात्विकता र महत्त्वमा जोड दिए।
उनले प्रमुख मुद्दाहरू, ठूला फरार अपराधीहरू र आपराधिक जुवा सञ्जालहरूमा ध्यान केन्द्रित गर्नुपर्ने र सतत एवं सूक्ष्म अभियान चलाउनुपर्ने आवश्यकतामा बल पुर्याए।
समन्वित उपायहरू मजबुत गर्न वाङले यस संघर्षमा ठूला परिणाम हासिल गर्न व्यवस्थित दृष्टिकोण र बलियो संगठनात्मक सहयोग, सुधारित प्रणाली र पेशेवर क्षमता निर्माण गर्न आह्वान गरेका छन्।
उनले कानूनी कारबाही र साझा अन्तर्राष्ट्रिय सहयोगलाई अझ प्रभावकारी बनाउनुपर्ने बताउँदै जवाफदेही निकायहरूलाई कडाईका साथ कार्य गर्न निर्देशन दिएका छन्।
राष्ट्रिय सुरक्षा र सामाजिक स्थिरतामा सीमापार जुवाले गर्दा हुने गम्भीर जोखिमलाई उजागर गर्दै वाङले यसलाई दीर्घकालीन संघर्षको रूपमा लिनुपर्ने र समुदायमा जागरूकता अभियानलाई प्राथमिकता दिनुपर्ने जनाएका छन्।
विश्लेषकहरूका अनुसार यस आह्वानले चीनले आर्थिक अपराध, पैसा प्रशाेधन र अवैध वित्तीय लेनदेन विरुद्धको अभियानलाई अझ ठूलो मात्रामा विस्तार गर्ने संकेत दिएको छ।
