रूसी प्रधानमन्त्री मिशुस्टिनद्वारा नेपाली समकक्षी शाहलाई बधाई : मैत्री र पारस्परिक हितमा सहकार्य गर्ने अपेक्षा
काठमाडौं – रूसी संघका प्रधानमन्त्री श्री मिखाइल मिशुस्टिनले नेपालका नवनियुक्त प्रधानमन्त्री बालेन्द्र शाह (बालेन) लाई हार्दिक बधाई तथा शुभकामना सन्देश पठाएका छन्।
रूसी सरकारका अनुसार, प्रधानमन्त्री मिशुस्टिनले बधाई सन्देशमा नेपाल सरकारसँग घनिष्ठ र रचनात्मक सहकार्य गर्ने अपेक्षा व्यक्त गरेका छन्। उनले दुई देशबीचको द्विपक्षीय सम्बन्धलाई मैत्री, पारस्परिक सम्मान र एकअर्काको हितलाई ध्यानमा राख्दै विकसित गर्ने प्रतिबद्धता जनाएका छन्।
प्रधानमन्त्री मिशुस्टिनले भनेका छन् : “नेपाल सरकारसँग मैत्री, पारस्परिक सम्मान र एकअर्काको हितको भावनाले ओतप्रोत द्विपक्षीय सम्बन्ध विकासका लागि घनिष्ठ र रचनात्मक सहकार्य गर्ने मेरो पूर्ण अपेक्षा छ।”
रूसी प्रधानमन्त्रीको यो सन्देशले नेपालमा नयाँ सरकार गठनपछि रूसले देखाएको कूटनीतिक सद्भावना र सहकार्यको इच्छाशक्तिलाई दर्शाउँदछ। विगत लामो समयदेखि चलेको नेपाल–रूस सम्बन्धलाई थप सुदृढ बनाउन रूसी नेतृत्व तत्पर रहेको यस सन्देशले संकेत गरेको छ।
