सेन्टर-लेफ्ट उम्मेदवार सेगुरोको पोर्चुगलमा भरपर्दो विजय
काठमाडौं । पोर्चुगलको दोस्रो चरणको राष्ट्रपति निर्वाचनमा सेन्टर-लेफ्ट समाजवादी पार्टीका उम्मेदवार एन्टोनियो जोसे सेगुरोले विजय हासिल गरेका छन्।
देशको आन्तरिक मन्त्रालयको प्रारम्भिक तथ्याङ्क अनुसार, ९९ प्रतिशत मत गणना पूरा भएको छ। सेगुरोले ६६.७ प्रतिशत मत हात पारेका छन् भने दायाँपन्थी चेगा दलका नेता एन्ड्रे भेन्चुराले ३३.३ प्रतिशत मत प्राप्त गरेका छन्। भेन्चुराले आफ्नो पराजय स्वीकार गरिसकेका छन्।
हालै कार्यकाल सकिँदै गरेका राष्ट्रपति मार्सेलो रेबेलो डि सोउसाले सेगुरोलाई फोन गरी निर्वाचनमा विजय हासिल गरे बापत बधाई दिएका छन्।
राष्ट्रपतिको वेबसाइटमा प्रकाशित विज्ञप्तिमा डि सोउसाले सेगुरोलाई सोमबार दिउँसो बेलेम महलमा स्वागत गर्नेछु भनेका छन्।
उक्त विज्ञप्तिमा डि सोउसाले “मार्च ९ मा सुरु हुने नयाँ पदकालका लागि सेगुरोलाई शुभकामना” व्यक्त गर्दै संस्थागत संक्रमण सहज बनाउन आफू पूर्ण रूपमा सहयोगी रहनेछु भनेका छन्।
