चिनियाँ राजदूतको रचनात्मक छलफल : नेपालमा खाद्य सुरक्षा र कृषि विकासको लागि नयाँ साझेदारी

काठमाडौँ । नेपालका लागि संयुक्त राष्ट्र संघीय विश्व खाद्य कार्यक्रम (डब्ल्यूएफपी) का प्रतिनिधि रियाज लोधीसँग चिनियाँ राजदूतले रचनात्मक छलफल गरेका छन्। नेपालको खाद्य सुरक्षा, कृषि विकास र अन्य सम्बद्ध क्षेत्रमा सहकार्य गर्ने विषयमा दुई पक्षबीच सकारात्मक प्रतिक्रिया आदानप्रदान भएको छ। यो छलफलले नेपालको कृषि क्षेत्रमा नयाँ सहकार्यको सम्भावना प्रशस्त देखाएको छ।

चिनियाँ राजदूतले सामाजिक सञ्जाल एक्समा लेखेका छन्, ‘डब्ल्यूएफपी नेपाल प्रतिनिधि श्री रियाज लोधीसँग रचनात्मक छलफल गर्न पाउँदा खुशी लाग्यो। नेपालमा खाद्य सुरक्षा, कृषि विकास र अन्य क्षेत्रमा हाम्रो सहकार्यको प्रतिक्षा गरिरहेको छु।’ चिनियाँ राजदूतावासले पनि यस सहकार्यलाई महत्त्वपूर्ण साझेदारीको रूपमा हेरेको छ।

नेपालमा खाद्य असुरक्षा अझै पनि एउटा चुनौतीपूर्ण विषय हो। दुर्गम पहाडी जिल्लाहरूमा खाद्यान्नको अभाव, कृषि उत्पादनमा आधुनिकीकरणको कमी, र जलवायु परिवर्तनको असरले किसानहरू मारमा परिरहेका छन्। डब्ल्यूएफपीले नेपालमा विभिन्न खाद्य सहायता तथा कृषि विकास कार्यक्रमहरू सञ्चालन गर्दै आइरहेको छ। चिनियाँ सहकार्य थपिएमा नेपालको कृषि क्षेत्रमा नयाँ प्रविधि, लगानी र पूर्वाधार विकासको सम्भावना रहेको छ।