दक्षिण कोरियाली राष्ट्रपतिको भाग्य आज : मृत्युदण्ड वा आजीवन कारावास?
सियोल, १९ फेब्रुअरी : सन् २०२४ डिसेम्बरमा सैनिक कानुन लागू गरेको प्रकरणमा महाअभियोगका साथ पदच्युत पूर्व राष्ट्रपति युन सुक योलविरुद्धको विद्रोह मुद्दामा आज सियोल केन्द्रीय जिल्ला अदालतले फैसला सुनाउने भएको छ।
योन्ह्याप समाचार एजेन्सीका अनुसार फैसला सुनाउने कार्यक्रम स्थानीय समयानुसार अपराह्न ३ बजे (०६०० जीएमटी) तय गरिएको छ। युन अदालतमा उपस्थित हुनेछन् भने यस कार्यवाहीको राष्ट्रिय टेलिभिजनमा प्रत्यक्ष प्रसारण गरिनेछ।
विशेष अनुसन्धान टोलीले जनवरी १३ मा नै युनविरुद्ध मृत्युदण्डको माग गर्दै अदालतमा पेश गरेको थियो। टोलीले युनलाई विद्रोहको ‘मुख्य योजनाकार’ को संज्ञा दिएको छ। दक्षिण कोरियाली फौजदारी कानुनअनुसार विद्रोहको मुद्दामा दोषी ठहरिएमा मृत्युदण्ड वा कारावाससहित वा बिना कारावास आजीवन कैदको सजाय हुन सक्छ।
सन् २०२४ डिसेम्बर ३ मा युनले अप्रत्याशित रुपमा सैनिक कानुन घोषणा गरेपछि देशमा ठूलो राजनीतिक संकट उत्पन्न भएको थियो। यस कदमलाई असंवैधानिक भन्दै व्यापक विरोध भएपछि संसदले केही घण्टामै सैनिक कानुन अस्वीकृत गरेको थियो। त्यसपछि युनविरुद्ध महाअभियोग प्रस्ताव पारित भई उनी पदच्युत भएका थिए।
यो मुद्दामा आउने फैसला दक्षिण कोरियाली राजनीतिक इतिहासकै एउटा निर्णायक मोड मानिएको छ। युन दक्षिण कोरियाको इतिहासमा विद्रोहको मुद्दामा मुद्दा चलाइएको पहिलो राष्ट्रपति हुन्।
