हिजबुल्लाह सांसदको चेतावनी : “इजरायलसँग सिधा वार्ता अस्वीकार्य, युद्धविराम नै कुनै पनि कदमको पूर्वशर्त हुनुपर्छ”
बेरुत (लेबनान) । लेबनानी प्रतिरोध समूह हिजबुल्लाहका सांसद अली फय्यादले बिहीबार सरकारसमक्ष युद्धविरामलाई कुनै पनि थप कदमको पूर्वशर्त बनाउन आग्रह गर्दै इजरायलसँगको प्रत्यक्ष वार्तालाई अस्वीकार गरेका छन्। लेबनानको राष्ट्रिय समाचार एजेन्सीले यसबारे जानकारी दिएको हो।
सांसद फय्यादको यो अभिव्यक्ति यस्तो बेला आएको छ, जब इरान र अमेरिकाबीच दुई साताको युद्धविराम घोषणा भए पनि इजरायलले लेबनानमा सैन्य कारबाही जारी राखेको छ। इजरायलले हिजबुल्लाहविरुद्धको लडाइँ इरानसँगको युद्धविराम सम्झौताको हिस्सा नभएको दाबी गर्दै लेबनानमा हवाई आक्रमणलाई निरन्तरता दिइरहेको छ।
फय्यादको यो मागले लेबनानी सरकार र हिजबुल्लाहबीच इजरायली आक्रमणको सामना गर्ने विषयमा एकमत रहेको सन्देश दिएको छ। यसअघि पनि हिजबुल्लाहले इजरायलसँगको कुनै पनि प्रकारको प्रत्यक्ष वार्तालाई अस्वीकार गर्दै आएको छ र लेबनानमाथिको आक्रमण तत्काल रोक्नुपर्ने अडान राख्दै आएको छ।
