पुटिनद्वारा पास्काको शुभकामना : ‘प्रेम, भलाइ र न्यायको विजयको प्रतीक हो यो पर्व’
मस्को । रुसी राष्ट्रपति भ्लादिमिर पुटिनले पास्का (इस्टर) पर्वको अवसरमा अर्थोडक्स इसाई धर्मावलम्बी र यो पर्व मनाउने सम्पूर्ण रुसी नागरिकहरूलाई हार्दिक शुभकामना व्यक्त गरेका छन्।
राष्ट्रपति पुटिनले जारी गरेको शुभकामना सन्देशमा भनिएको छ, “पास्काको यो महान् पर्वले लाखौं मानिसहरूको हृदयलाई निश्चल आनन्द, जीवनको सर्वोपरि शक्तिमाथिको विश्वास र प्रेम, भलाइ तथा न्यायको विजयले भरिदिन्छ। यसले हामीलाई पुर्खौंदेखिका परम्परा, अटल आध्यात्मिक र नैतिक मूल्य तथा आदर्शहरूको वरिपरि एकताबद्ध गर्दछ।”
उनले रुसी अर्थोडक्स चर्च र अन्य इसाई समुदायहरूले देशको समृद्ध ऐतिहासिक तथा सांस्कृतिक सम्पदाको संरक्षण, परिवारको सुदृढीकरण र नयाँ पुस्ताको पालनपोषणमा ठूलो रचनात्मक भूमिका खेलेको बताए। साथै, धार्मिक सङ्गठनहरूले राज्यसँगको रचनात्मक सम्पर्क सुधार्न, अन्तरधार्मिक र अन्तरजातीय संवादलाई सहज बनाउन तथा विशेष सैन्य अभियानमा सहभागीहरू र उनीहरूका परिवारहरूलाई सहयोग पुर्याउन ठूलो र आवश्यक काम गरिरहेकोमा पनि उनले कृतज्ञता प्रकट गरे।
राष्ट्रपति पुटिनले यस्तो महत्त्वपूर्ण र बहुआयामिक गतिविधि गहिरो सम्मानको पात्र रहेको उल्लेख गर्दै सबैमा स्वास्थ्य, समृद्धि र उत्तम भविष्यको कामना गरेका छन्। “पर्वको पुनः हार्दिक शुभकामना!” पुटिनले भने।
