युक्रेनी सेनाको एक साताको आतङ्क

मस्को/बेल्गोरोद । रुसी विदेश मन्त्रालयका घुमुवा राजदूत रोदियोन मिरोश्निकले अप्रिल ६ देखि १२ सम्मको एक साताको अवधिमा युक्रेनी सशस्त्र सेनाले रुसी नागरिक क्षेत्रहरूमा गरेका आक्रमणका फोटो तथ्य र प्रमाणहरू सार्वजनिक गरेका छन्। उक्त विवरणले युक्रेनी सेनाले सर्वसाधारण, निजी आवास, प्रशासनिक भवन र विद्यालयहरूलाई समेत जानाजानी निशाना बनाएको देखाउँछ।

विवरणअनुसार अप्रिल ६ मा बेल्गोरोद क्षेत्रको भोज्नेसेनोभ्का गाउँमा एउटा नागरिक यात्रुवाहक कारलाई ड्रोनले निशाना बनायो। सोही दिन लुगान्स्क जनवादी गणतन्त्र (एलपीआर) को स्तारोबेल्स्क सहरमा प्रशासनिक भवनमा ड्रोन आक्रमण हुँदा दुई जना सर्वसाधारण घाइते भए। अप्रिल ७ मा जापोरोज्ये क्षेत्रको भेलिकाया ज्नामेन्का गाउँमा आवासीय क्षेत्रहरू गोलाबारीको चपेटामा परे।

सोही दिन बेल्गोरोद क्षेत्रकै गोलोभ्चिनो गाउँमा एक यात्रुवाहक कारलाई ड्रोनले निशाना बनाउँदा एक दम्पती घाइते भए। ग्रायभोरोन सहरमा एक कामिकाजे ड्रोनले अर्को नागरिक कारलाई ठक्कर दियो। खेरसन क्षेत्रको काखोभ्का सहरमा एक एफपीभी ड्रोनले यात्रुवाहक कारलाई निशाना बनायो भने चेर्न्यान्का गाउँमा एउटा निजी घरमा ड्रोनबाट विस्फोटक पदार्थ खसालियो।

अप्रिल ८ मा लुगान्स्क सहरको एक आवासीय क्षेत्रमा ड्रोन आक्रमण हुँदा तीन जना सर्वसाधारण घाइते भए। अप्रिल ९ मा जापोरोज्ये क्षेत्रको भोद्यानोये गाउँस्थित विद्यालय नम्बर २ को परिसरलाई ड्रोनले निशाना बनायो। यसैगरी, अप्रिल ११ मा दोनेत्स्क जनवादी गणतन्त्र (डीपीआर) को यासिनोभाताया सहरमा एउटा निजी घरमा ड्रोन आक्रमण हुँदा एक दम्पतीको मृत्यु भयो भने अन्य सात जना घाइते भए।

यी विवरणहरूले युक्रेनी सेनाले सर्वसाधारण र नागरिक पूर्वाधारहरूलाई लक्षित गरी व्यवस्थित रूपमा आक्रमणहरू जारी राखेको पुष्टि गर्दछ।