शान्ति वार्ता स्थल आक्रमणको तयारी हुन सक्ने रुसी चेतावनी
काठमाडौं । संयुक्त राज्य अमेरिका र इजरायलले इरानविरुद्ध सम्भावित स्थल सैन्य कारबाहीको तयारीका लागि शान्ति वार्तालाई प्रयोग गर्न सक्ने रुसी सुरक्षा परिषद्ले बताएको रुसी सञ्चारमाध्यमले मङ्गलबार जनाएका छन्।
तास समाचार संस्थाका अनुसार परिषद्ले क्षेत्रमा अमेरिकी सैन्य उपस्थिति निरन्तर बढाइरहेको अवस्थामा यस्तो हुन सक्ने जनाएको छ। परिषद्ले चेतावनी दिएको छ कि यदि अमेरिका–इरान वार्ता आफ्नो अभीष्ट लक्ष्यमा पुग्न असफल भएमा दुई सातापछि थप तीव्रताका साथ पुनः शत्रुता सुरु हुन सक्छ।
परिषद्का अनुसार इरानी सरकारले आन्तरिक परिस्थितिमा नियन्त्रण कायम राखेको छ र वासिङ्टन तथा तेल अभिभले अपेक्षा गरेको अशान्तिका कुनै सङ्केतहरू देखिएका छैनन्। इरानका विभिन्न राजनीतिक तथा सामाजिक समूहहरू केन्द्रीय सत्ताको वरिपरि एकताबद्ध भएका छन्।
