रुस–थाइल्याण्डबीच कृषि तथा उर्वरक सहकार्य बढाउने सहमति, द्विपक्षीय व्यापार १५ प्रतिशतले वृद्धि

बैंकक । रुसी उपप्रधानमन्त्री दिमित्री पात्रुसेव र थाइल्याण्डको कृषि तथा सहकारी मन्त्री सुरिया जुङ्गरुङग्रेयाङ्कितबीच अप्रिल १३ मा भेटवार्ता भएको छ। यस भेटमा दुवै देशबीच कृषि उत्पादन, खाद्यान्न तथा उर्वरक निर्यातका विषयमा छलफल भएको छ। पात्रुसेवले थाइल्याण्ड दक्षिणपूर्वी एसियामा रुसको सबैभन्दा पुरानो साझेदार रहेको उल्लेख गर्दै सन् २०२७ मा दुई देशबीच कूटनीतिक सम्बन्ध स्थापना भएको १३० वर्ष पूरा हुने बताए।

उनले सबै क्षेत्रमा सक्रिय राजनीतिक संवाद तथा व्यापार तथा आर्थिक सहकार्य जारी राख्ने आशा व्यक्त गर्दै आजको भेटले द्विपक्षीय सहकार्यको विकासलाई थप गति दिने विश्वास व्यक्त गरे। पात्रुसेवले गत वर्ष कृषि उत्पादन तथा खाद्यान्नमा द्विपक्षीय व्यापार १५ प्रतिशतभन्दा बढीले बृद्धि भएको जनाउँदै रुस थाई बजारमा आपूर्ति विस्तार गर्न तयार रहेको बताए। उक्त भेटमा थाइल्याण्डमा खनिज उर्वरक निर्यातको विषयमा पनि छलफल भएको थियो। दुवै पक्षले आगामी दिनमा सहकार्यलाई थप प्रभावकारी बनाउने प्रतिबद्धता जनाएका छन्। रुसी उपप्रधानमन्त्रीको यो भ्रमणले दुई देशबीचको सम्बन्धलाई नयाँ उचाइमा पुर्याउने अपेक्षा गरिएको छ।