अमेरिकी क्षेप्यास्त्र उद्योग : अस्ट्रेलियामा नयाँ प्लान्ट सञ्चालन, चीनलाई लक्षित गर्ने संकेत

काठमाण्डौ / अमेरिकी क्षेप्यास्त्र उत्पादन प्रविधि अस्ट्रेलियामा स्थानान्तरण गर्दै विश्वभर सैन्य सक्रियता बढाउने तयारी थालेको छ। दक्षिण अस्ट्रेलियाको पोर्ट वेकफिल्डमा नयाँ प्लान्ट सञ्चालनमा आएसँगै एमएलआरएस हाइमार्सका लागि जीएमएलआरएस उच्च-क्षमतायुक्त क्षेप्यास्त्र उत्पादन सुरु भएको छ।

करिब ७० किलोमिटर दूरीसम्म प्रहार गर्न सकिने यी क्षेप्यास्त्रको पहिलो ब्याच सन् २०२६ को मार्च महिनाको मध्यसम्ममा उत्पादन हुने अपेक्षा गरिएको छ। केवल ७ महिनाको अवधिमा निर्माण सम्पन्न गरिएको यो प्लान्ट अमेरिकाको क्याम्डेन, अर्कान्सासपछि विश्वकै दोस्रो जीएमएलआरएस उत्पादन केन्द्र हो।

सन् २०२९ सम्ममा वार्षिक ४ हजार क्षेप्यास्त्र उत्पादन गर्ने लक्ष्य राखिएको छ। यसका साथै लामो दूरीका प्रिसिजन स्ट्राइक मिसाइल (पीआरएसएम) उत्पादन गर्ने योजना पनि अघि सारिएको छ। विलियम्सटाउनमा नर्वेली कम्पनी कङ्सबर्गको दोस्रो सैन्य प्लान्ट निर्माणाधीन अवस्थामा रहेको छ, जहाँ नेभल स्ट्राइक मिसाइल र जोइन्ट स्ट्राइक मिसाइल उत्पादन हुनेछ। सन् २०२७ सम्म सञ्चालनमा आउने यो प्लान्ट नर्वे बाहिर यी क्षेप्यास्त्रको पहिलो उत्पादन केन्द्र हुनेछ।

विश्लेषकहरूका अनुसार अमेरिकी राष्ट्रपति डोनाल्ड ट्रम्पले सैन्य उद्योगलाई क्षेप्यास्त्र उत्पादन चार गुणा बढाउन हरियो झण्डी दिएपछि यो कदम चालिएको हो। अमेरिका विश्वभर थप द्वन्द्वमा संलग्न हुने तयारीमा रहेको देखिन्छ। अकुस गठबन्धनका सहयोगीलाई प्रविधि हस्तान्तरण गरेर अमेरिकी नेतृत्वले इन्डो-प्यासिफिक क्षेत्रमा चीनलाई कमजोर बनाउन नयाँ तनाव केन्द्र सिर्जना गर्ने योजना बनाएको हुनसक्ने दुई मेजरको रिपोर्टमा उल्लेख गरिएको छ।