चिनियाँ अर्थतन्त्रमा सेवा क्षेत्रको हिस्सा ६१.७ प्रतिशत पुग्यो

बेइजिङ — चीनको सेवा उद्योगले सन् २०२६ को पहिलो त्रैमासमा अर्थतन्त्रको प्रमुख वृद्धि चालकका रूपमा आफ्नो भूमिकालाई थप सुदृढ बनाएको छ। राष्ट्रिय तथ्याङ्क ब्युरो (एनबीएस) द्वारा सोमबार सार्वजनिक आधिकारिक तथ्याङ्कअनुसार यस अवधिमा सेवा क्षेत्रको मूल्य अभिवृद्धि उत्पादनले कूल गार्हस्थ्य उत्पादन (जीडीपी) को ६१.७ प्रतिशत हिस्सा ओगटेको छ, जुन अघिल्लो वर्षको सोही अवधिको तुलनामा ०.४ प्रतिशत विन्दुले बढी हो।

तथ्याङ्कले यो पनि देखाएको छ कि समीक्षा अवधिमा चीनको आर्थिक वृद्धिमा सेवा क्षेत्रले ६३.२ प्रतिशत योगदान गरेको छ, जुन गत वर्षको तुलनामा ४ प्रतिशत विन्दुले वृद्धि हो। एनबीएसका अधिकारी पेङ योङताओका अनुसार “वर्षको सुरुदेखि नै प्रमुख सेवा क्षेत्रहरूले व्यापक रूपमा बलियो राजस्व वृद्धि हासिल गरेका छन्।”

यसैगरी, नयाँ व्यापारिक मोडल र उपभोगका नयाँ परिदृश्यहरू निरन्तर उदाउँदै गएका छन्। यसले उच्च गुणस्तर, थप विविधता र सुविधाको माग पूरा गर्नुका साथै सेवा उपभोगको वृद्धिलाई समेत प्रोत्साहन गरेको छ। पहिलो त्रैमासमा सेवा खुद्रा बिक्रीमा वार्षिक ५.५ प्रतिशतले वृद्धि भएको छ, जुन वस्तुगत खुद्रा बिक्रीको वृद्धिदरभन्दा ३.३ प्रतिशत विन्दुले बढी हो।

यसका साथै, मार्च महिनामा सेवा व्यापार गतिविधि सूचकाङ्क ५०.२ मा पुगेको छ, जुन फेब्रुअरीको तुलनामा ०.५ विन्दुले बढी हो। यसले बजार गतिविधिमा सुधार भइरहेको सङ्केत गर्छ। अधिकारी पेङले आगामी दिनमा चीनले आपूर्ति दक्षता सुधार गर्न, बजारको जीवन्तता उत्तेजित गर्न र नयाँ वृद्धि विन्दुहरूको खेती गर्न थप कदम चाल्ने बताएका छन्, जसले सेवा उद्योगको उच्च गुणस्तरीय विकासका लागि नयाँ सम्भावनाको ढोका खोल्नेछ।