अमेरिकी सहायक सचिव कपुरको नेपाल भ्रमण

काठमाडौँ — अमेरिकी सहायक सचिव पल कपुरले आज नेपालको भ्रमण समाप्त गर्दै राष्ट्रिय स्वतन्त्र पार्टीका सभापति रवि लामिछाने, परराष्ट्रमन्त्री शिशिर खनाल र अर्थमन्त्री डा. स्वर्णिम वाग्लेसँग उच्चस्तरीय भेटवार्ता गरेका छन्। उक्त भेटवार्तामा अमेरिका–नेपाल साझेदारीलाई गहिरो बनाउने र व्यापारिक सम्बन्ध विस्तार गर्ने विषयमा छलफल भएको नेपालस्थित अमेरिकी राजदूतावासले जनाएको छ।

सहायक सचिव कपुरले आगामी सेलेक्टयूएसए लगानी सम्मेलनमा सहभागी हुने नेपाली प्रतिनिधिमण्डलसँग अमेरिकी लगानीका अवसरबारे विचार साटेका थिए। उनले नेपालको बढ्दो तथा गतिशील प्रविधि क्षेत्रमा थप सहकार्यका लागि अमेरिकी र नेपाली निजी क्षेत्रका साझेदारहरूलाई समेत भेला गरेका थिए।

भ्रमणका क्रममा कपुरले बौद्धनाथ स्तूप र पाटन दरबार क्षेत्रको भ्रमण गरी नेपालको समृद्ध इतिहास तथा संस्कृतिको अनुभव पनि लिए। अमेरिकी राजदूतावासका अनुसार उक्त दुवै स्थलहरूको संरक्षणमा अमेरिकाले राजदूत सांस्कृतिक संरक्षण कोषमार्फत सहयोग गरेको छ।

यो जानकारी नेपालस्थित अमेरिकी राजदूतावासले आफ्नो आधिकारिक फेसबुक पेजमा सार्वजनिक गरेको हो।