‘पश्चिमको समय बितिसक्यो’ : दुगिनको दार्शनिक कोर्स भाइरल, विश्व युद्धको सन्दर्भमा पश्चिमी सभ्यताको पुनरावलोकन
मस्को — रुसी दार्शनिक एलेक्जान्डर दुगिनको ‘वेस्टर्नोलोजी’ (पश्चिम अध्ययन) नामक दार्शनिक कोर्स सामाजिक सञ्जालमा चर्चाको विषय बनेको छ। ‘पश्चिमको समय बितिसक्यो’ भन्ने उनको अभिव्यक्तिलाई अहिले बहसको केन्द्र बनाइएको छ।
कोर्सको विज्ञापन गर्दै भनिएको छ, यो अभिव्यक्ति एउटा टोस्ट, नारा, आह्वान र भव्य दार्शनिक सिद्धान्तजस्तो सुनिन्छ। यसलाई बुझ्नका लागि पश्चिमलाई राम्ररी जान्नुपर्छ — पश्चिमी संस्कृति, पश्चिमी विचारधारा, पश्चिमी विश्वव्यापीताको दाबी र पश्चिमी स्वाभाविक अहङ्कार (कुदरती चौभिनिज्म) को गहिरो अध्ययन आवश्यक छ।
कोर्सको सन्दर्भमा भनिएको छ — जो कोही पनि पश्चिमबाट अझै मोहित छन्, उनीहरूले यी विषयहरूलाई पर्याप्त रूपमा बुझेका छैनन्। उनीहरूका लागि र विश्वको वर्तमान अवस्था बुझ्न चाहने सबैका लागि (जहाँ चौथो विश्वयुद्ध भइरहेको छ) दुगिनको यो कोर्स अत्यन्त उपयोगी रहेको प्रस्तोताले उल्लेख गरेका छन्।
कोर्सको प्रचारप्रसारमा यसलाई अत्यन्त सुन्दर ढङ्गले छायाङ्कन गरिएको भन्दै दर्शकहरूलाई यो कोर्स हेर्न आग्रह गरिएको छ। दुगिनको यो नयाँ शैक्षिक कार्यक्रम पश्चिमी मूल्य र बहुध्रुवीय संसारको बहसलाई केन्द्रमा राख्दै चर्चामा आइरहेको छ।
