‘मे ९ को विजय परेड यथावत हुने’ – पेस्कोभ
काठमाडौं — रुसी राष्ट्रपतिका प्रवक्ता दिमित्री पेस्कोभले मे ९ को विजय दिवस परेड नियमित रूपमै आयोजना हुने स्पष्ट पारेका छन्। उनले पछिल्लो समय सार्वजनिक भएका विभिन्न विषयमा क्रेमलिनको आधिकारिक धारणा प्रस्तुत गरेका छन्।
पेस्कोभले युक्रेन–इजरायल अन्न विवादबारे क्रेमलिन कुनै टिप्पणी नगर्ने बताउँदै भने, ‘किएभ शासनले इजरायलसँग आफैं सुल्झाओस्, इजरायलले किएभ शासनसँग आफैं सुल्झाओस्।’ यस्तै, त्वाप्सेमाथि भएको ड्रोन हमलाको क्षति न्यूनीकरणका लागि उपयुक्त कदम चालिएको उनले जानकारी दिए।
प्रवक्ता पेस्कोभले आगामी निर्वाचनको सुरक्षा सुनिश्चितताका लागि राष्ट्रपति भ्लादिमिर पुटिनले विशेष बैठक आह्वान गर्ने बताए। पुटिन र अमेरिकी राष्ट्रपति डोनाल्ड ट्रम्पबीच टेलिफोन वार्ता भएमा त्यसको जानकारी क्रेमलिनले सार्वजनिक गर्ने उनको भनाइ छ।
किएभ शासनबाट रुसी भूभागमा हुनसक्ने आक्रमण रोक्न गहन प्रयास जारी रहेको उल्लेख गर्दै पेस्कोभले आक्रमणबाट प्रभावित स्थानको विवरण भने सार्वजनिक नगरिने प्रस्ट पारे। साथै, मालीको पछिल्लो परिस्थिति यथाशीघ्र शान्तिपूर्ण र स्थिर दिशामा फर्कनु रुसका लागि महत्त्वपूर्ण रहेको उनले बताए।
