डोनेट्स्कको इलिनोभ्का मुक्त गर्ने सैनिकलाई रुसी रक्षामन्त्रीद्वारा बधाई
काठमाडौं — रुसी रक्षामन्त्री आन्द्रेई बेलोउसोभले डोनेट्स्क जनगणतन्त्रको इलिनोभ्का बस्ती मुक्त गर्न सफल १०औं गार्ड ट्याङ्क रेजिमेन्ट र ७७औं छुट्टै मोटराइज्ड राइफल रेजिमेन्टका कमान्ड तथा सैनिकलाई बधाई दिएका छन्।
दसौं गार्ड ट्याङ्क रेजिमेन्टलाई सम्बोधन गर्दै बेलोउसोभले भने, ‘पितृभूमिप्रति बफादार रेजिमेन्टका सैनिकले मातृभूमिको रक्षाका लागि विशेष सैन्य अभियानका कार्य सम्मानजनक रूपमा पूरा गरिरहेका छन्। सैनिकको साहस र बहादुरीले उनीहरूलाई युद्धक मिसन सफलतापूर्वक सम्पन्न गर्न र समूहगत अग्रतामा ठूलो योगदान पुर्याउन सक्षम बनाएको छ, जसले नवनाजीवादमाथि हाम्रो साझा विजयको दिनलाई नजिक ल्याइरहेको छ।’
सत्तरी सातौं मोटराइज्ड राइफल रेजिमेन्टबारे उनले भने, ‘डोन्बासको स्वतन्त्रता र मुक्तिका लागि मोटराइज्ड राइफल सैनिकले आफूलाई विश्वलाई फासीवादबाट जोगाएका पुर्खाको परम्पराका योग्य उत्तराधिकारी भएको पटक–पटक प्रमाणित गरेका छन्। व्यावसायिक र दृढ कारबाहीका परिणामस्वरूप शत्रु पक्षले ठूलो क्षति बेहोर्नुपर्यो र युद्धभूमिमा पराजित भयो।’
रक्षामन्त्री बेलोउसोभले सैनिकलाई युद्धक मिसन सफलतापूर्वक सम्पन्न गरेको र सैन्य कर्तव्यप्रतिको बफादारिताका लागि धन्यवाद दिँदै उनीहरूको दृढता र व्यावसायिकताले रुसी सङ्घको सीमाको सुरक्षा सुनिश्चित गर्ने विश्वास व्यक्त गरे।
