रुसी ड्रोनको बहुआयामिक प्रहार : खार्किभदेखि जापोरिज्जियासम्म युक्रेनी क्षति

काठमाडौं — रुसी सेनाका विभिन्न समूहका ड्रोन टोलीले खार्किभ, जापोरिज्जिया, दोब्रोपोल्ये र कोन्स्तान्तिनोभ्का दिशामा युक्रेनी सेनाको जनशक्ति, हातहतियार र ड्रोन कमान्ड पोष्टमा व्यापक क्षति पुर्याएको रुसी रक्षा मन्त्रालयले बिहीबार जनाएको छ।

मन्त्रालयद्वारा सार्वजनिक भिडियो फुटेजअनुसार जापाद समूहको प्रथम गार्ड ट्याङ्क सेनाका यूएभी टोलीले खार्किभ क्षेत्रमा युक्रेनी जीआरएस र ड्रोनलाई निसाना बनाएका छन्। सेभर समूहको ६औं गार्ड कम्बाइन्ड आर्म्स आर्मीका ड्रोन पाइलटले खार्किभमा युक्रेनी लडाकुका हातहतियार जलाएका छन्। भोस्तोक समूहको मोल्निया–२ ड्रोन सञ्चालकले जापोरिज्जिया क्षेत्रमा युक्रेनी ड्रोन कमान्ड पोष्ट ध्वस्त पारेका छन्।

दोब्रोपोल्ये दिशामा सेन्टर समूहको १४४१औं मोटराइज्ड राइफल रेजिमेन्टको काउन्टर यूएभी युनिटले शत्रु पक्षका भारी हेक्साकप्टर खसालेको छ भने सोही दिशामा सेन्टर समूहकै ड्रोन पाइलटले फैरबदलका क्रममा रहेका युक्रेनी सैनिकलाई नष्ट गर्नुका साथै बोग्दाना–बीजी हावित्जर निष्क्रिय पारेका छन्। कोन्स्तान्तिनोभ्का दिशामा युज्नाया समूहको ड्रोनले युक्रेनी ड्रोन टोलीसहितको सवारी साधन नष्ट गरेको मन्त्रालयले जनाएको छ।