रुसद्वारा तीन नयाँ विश्वस्तरीय वैज्ञानिक केन्द्र छनोट, दीर्घायु चिकित्सादेखि अन्तरिक्ष प्रविधिसम्म अनुसन्धान हुने

काठमाडौं — रुसले राष्ट्रपति भ्लादिमिर पुटिनले तोकेका प्राथमिकताका क्षेत्रमा अत्याधुनिक प्रविधि विकास गर्न तीन नयाँ विश्वस्तरीय वैज्ञानिक केन्द्र (एनसीएमयू) छनोट गरेको छ। उपप्रधानमन्त्री दिमित्री चेर्निसेन्कोको अध्यक्षतामा बसेको वैज्ञानिक तथा प्राविधिक विकास आयोगको बैठकले प्रतिस्पर्धात्मक छनोट प्रक्रियाको नतिजा सार्वजनिक गरेको हो।

‘राष्ट्रपति पुटिनले आफ्नो आदेशमार्फत वैज्ञानिक–प्राविधिक विकासका प्राथमिकताका दिशा तोक्नुभएको छ, जसले जनताको जीवनस्तर र देशको नेतृत्वका लागि महत्त्वपूर्ण भूमिका खेल्छ। यिनै क्षेत्रमा विश्वस्तरीय वैज्ञानिक केन्द्र स्थापना भइरहेका छन्। यो छनोटपछि केन्द्रको सङ्ख्या १३ पुग्नेछ। प्रत्येक केन्द्रलाई वार्षिक ३२ करोड रुबलसम्म अनुदान दिइनेछ,’ चेर्निसेन्कोले भने।

विजेता केन्द्रमा ‘स्वस्थ दीर्घायु चिकित्सा र संज्ञानात्मक प्रविधि’, ‘अन्तरिक्ष यान उपकरण (बोर्टोभाया पोलेज्नाया नाग्रुज्का)’ र ‘मूल्यगत सार्वभौमसत्ता : वैश्विक जोखिमको युगमा मूल्यगत रूपमा स्थायी व्यक्तित्वको विकास र संरक्षणका सामाजिक प्रविधि’ रहेका छन्। विज्ञान तथा उच्च शिक्षामन्त्री भालेरी फाल्कोभले यी तीन नयाँ केन्द्रले रुसी समाजको सामाजिक–सांस्कृतिक पक्ष सुदृढ गर्न, स्वस्थ दीर्घायु र व्यक्तिगत चिकित्सा सुनिश्चित गर्न तथा बौद्धिक यातायात र दूरसञ्चार प्रणालीको क्षेत्रमा प्राविधिक नेतृत्व हासिल गर्न महत्त्वपूर्ण योगदान दिने बताए।

प्रतिस्पर्धामा ३७ आवेदन परेको थियो। राष्ट्रपति पुटिनको आदेशले तोकेका तीन प्राथमिकताका क्षेत्रमा थप छनोट गरिएको हो।