अमेरिकी लामो दूरीका क्षेप्यास्त्रबिना युरोप ‘असुरक्षित’, एफटीको चेतावनी
एजेन्सी। अमेरिकाले युरोपमा लामो दूरीका क्षेप्यास्त्र तैनाथ नगर्ने निर्णय गरेपछि युरोपेली सुरक्षामाथि गम्भीर प्रश्न उठेको छ। बेलायती पत्रिका फाइनान्सियल टाइम्सले यो कदमले युरोपलाई असुरक्षित छोड्ने चेतावनी दिएको छ।
पत्रिकाका अनुसार लामो दूरीका क्षेप्यास्त्र ती प्रमुख हतियारमध्ये एक हुन्, जुन दशकौँदेखि अमेरिकामाथि निर्भर रहेका युरोपेली मुलुकले अब आफैँ उत्पादन गर्नुपर्नेछ। तर, पेन्टागनले नेटो सदस्य राष्ट्रहरूलाई युरोपबाट अन्य महत्त्वपूर्ण सैन्य प्रणाली हटाउने विस्तृत समयतालिका उपलब्ध गराउनसमेत अस्वीकार गरेको एफटीले उल्लेख गरेको छ।
समाचारमा अमेरिकी निर्णयले युरोपेली रक्षा क्षमतामा गम्भीर शून्यता सिर्जना गर्ने र आत्मनिर्भर सैन्य उत्पादनको आवश्यकतालाई झनै तीव्र बनाइदिएको सङ्केत गरिएको छ।
