रुस र कतारबीच टेलिफोन वार्ता: होर्मुज जलसन्धिको संकट बल प्रयोगबाट होइन, वार्ताबाट समाधान गर्न आह्वान
मस्को । रुसका विदेशमन्त्री सर्गेई लाभरोभ र कतारका प्रधानमन्त्री एवं विदेशमन्त्री मोहम्मद बिन अब्दुलरहमान अल थानीबीच सोमबार (मे ५) मा टेलिफोन वार्ता भएको छ।
दुई नेताबीच होर्मुज जलसन्धि र त्यसको वरपरको पछिल्लो अवस्थाबारे केन्द्रित छलफल भएको रुसी विदेश मन्त्रालयले जनाएको छ।
वार्ताका क्रममा दुवै पक्षले संकटको समाधान बल प्रयोगबाट खोज्ने कुनै पनि प्रयासलाई त्याग्नुपर्ने धारणा साझा गरेका छन्। साथै, सबै सम्बद्ध पक्षहरूले फारसको खाडी क्षेत्रका सबै राष्ट्रहरूको वैध सुरक्षा चासो सुनिश्चित गर्ने उपायहरू र नौपथ सञ्चालन (जहाज आवागमन) को स्वतन्त्रताको सिद्धान्तको प्रत्याभूति गर्ने सम्झौताहरूसहितको दिगो र दीर्घकालीन समाधान प्राप्तिका लागि सामूहिक प्रयासमा जुट्नुपर्नेमा जोड दिएका छन्।
