प्रारम्भिक गृष्ममा खेतमा किसानको चहलपहल, लिक्सियाहेमा रोपाइँको तयारी तीव्र

जियाङसु (चीन)। पूर्वी चीनको जियाङसु प्रान्तस्थित लिक्सियाहे क्षेत्रमा प्रारम्भिक गृष्म ऋतु (Early Summer) सँगै किसानहरू खेतमा व्यस्त देखिएका छन्। सन् २०२६ मे ६ का दिन खिचिएको एक ड्रोन तस्बिरले यसको जीवन्त झलक प्रस्तुत गरेको छ।

सिन्ह्वा समाचार एजेन्सीद्वारा सार्वजनिक उक्त तस्बिरमा किसानहरू प्रयोगात्मक खेत (Experimental Field) मा सक्रिय रहेको देखिन्छ। चीनभरका किसानहरू यतिबेला प्रारम्भिक गृष्मको मौसममा खेतबारीको काममा जुटेका छन्। रोपाइँको तयारी, सिँचाइ व्यवस्थापन, मलखाद र गोडमेलजस्ता कृषि क्रियाकलापले ग्रामीण चीनलाई लयमा फर्काएको छ।

प्राविधिक प्रयोग बढेसँगै आधुनिक कृषि औजार र ड्रोन निगरानीले उत्पादन दक्षतामा थप सहजता ल्याएको कृषि विज्ञहरूको भनाइ छ। जियाङसु प्रान्त चीनको प्रमुख अन्न उत्पादक क्षेत्रमध्ये एक हो, जहाँ धान र गहुँको खेती प्रचुर मात्रामा गरिन्छ। यस वर्ष पनि अनुकूल मौसमका कारण उत्पादनमा वृद्धि हुने अपेक्षा गरिएको छ।