बिहान उठ्नेबित्तिकै यी पाँच काम गर्नुहोस्, दिनभर रहनुहुन्छ तन्दुरुस्त

बिहान निद्राबाट उठेपछिको समय स्वास्थ्यका लागि सुनजस्तै बहुमूल्य हुन्छ। पानी पिउनेदेखि शौच जाने र बिहानको खाना खानेजस्ता कामलाई सही तरिकाले गर्ने हो भने शरीर निरोगी र दीर्घायु हुन सक्छ।

सबैभन्दा पहिले पानी पिउनुपर्छ। धेरै मानिसमा बिहान उठ्नेबित्तिकै एक गिलास पानी पिउने बानी हुन्छ। विज्ञहरूका अनुसार बिहान उठ्नेबित्तिकै करिब तीन सय मिलिलिटर मनतातो पानी पिउँदा रक्तसञ्चार सहज हुने र रगत जम्ने जोखिम कम भई पक्षाघातबाट बच्न सकिन्छ। तर, खाली पेटमा नुनिलो पानी, मह पानी, सोडा पानी वा फलफूलको जुस पिउनु हुँदैन, किनभने यिनले शरीरमा प्रतिकूल असर पार्न सक्छन्।

दोस्रो, शौचालय जाने काम हो। दिनभरिमा दिसापिसाब गर्ने सबैभन्दा उपयुक्त समय भनेको बिहान उठ्नेबित्तिकै र बिहानको खानापछि हो। बिहान उठ्नेबित्तिकै शौच गर्दा शरीरमा विषाक्त पदार्थको अवशोषण कम हुन्छ र पाइल्स तथा कोलोन क्यान्सरको जोखिम घटाउन सकिन्छ। शौचालयमा दश मिनेटभन्दा बढी समय बिताउनु हुँदैन र बढी जोड लगाउन पनि हुँदैन।

तेस्रो, बिहानको खाना समयमै खानुपर्छ। अनुसन्धानले के देखाएको छ भने बिहानको खाना बिहान ८ बजेअघि र बेलुकीको खाना साँझ ८ बजेअघि खाँदा मुटुरोगको जोखिम कम हुन्छ। तर, बिहान ९ बजेपछि मात्र खाना खाने र राति ९ बजेपछि बेलुकीको खाना खाने बानीले मुटुरोगको जोखिम बढाउँछ। काम र स्कुल जाने व्यस्त मानिसका लागि विज्ञले बिहानको खाना ७ देखि ८, दिउँसोको खाना साढे ११ देखि साढे १ र बेलुकीको खाना ५ देखि ७ बजेभित्र खान सुझाव दिएका छन्।

चौथो, बिहान उठ्नेबित्तिकै एक्कासि ओछ्यानबाट उफ्रिनु हुँदैन। निद्राबाट ब्युँझिनेबित्तिकै तुरुन्त उठ्दा मस्तिष्कमा रगतको कमी भई पक्षाघात र आकस्मिक मृत्युजस्ता अप्रत्याशित घटना हुन सक्छ। त्यसैले, ब्युँझिएपछि कम्तीमा आधा घण्टा ओछ्यानमै आँखा चिम्लेर बस्नुपर्छ। त्यसपछि उठेर ओछ्यानको छेउमा अर्को आधा घण्टा बस्नुपर्छ। अनि मात्र उठेर शारीरिक गतिविधि गर्नुपर्छ।

पाँचौं, बिहान उठेपछि अनुहार फुल्ने र निधार खुम्चिएको देखिने हुँदा दश मिनेट समय निकालेर तीन काम गर्नुपर्छ। पहिलो, अनुहार फुलाउने, जसले मानसिक सतर्कता बढाउने, रक्तसञ्चार सुधार्ने र छालाको सुरक्षा गरी बुढ्यौली ढिला गराउने फाइदा पुर्याउँछ। दोस्रो, कान टट्टाउने, जसले स्मरणशक्ति बढाउन, रक्तसञ्चार सुधार्न र उच्च रक्तचापका बिरामीमा रक्तनली फराकिलो बनाई रक्तचाप घटाउन मद्दत गर्छ। तेस्रो, कपाल कोर्ने, जसले दैनिक पाँच मिनेट कपाल कोर्दा निद्रामा सहयोग पुग्ने, रक्तसञ्चार बढाउने, स्नायु प्रणाली शान्त बनाउने र टाउकोको छालालाई फाइदा पुर्याउनुका साथै कपाल झर्ने समस्या पनि रोक्न सकिन्छ।