जापानले लगातार तेस्रो महिना व्यापार बचत कायम गर्यो, तेल आयातमा तीव्र गिरावट
टोकियो। जापानले अप्रिलमा लगातार तेस्रो महिना ३०१.९ अर्ब येन (करिब १.९ अर्ब अमेरिकी डलर) को व्यापार बचत कायम गरेको छ। बलियो निर्यात र तेल आयातमा तीव्र गिरावटले यो सम्भव भएको सरकारी तथ्याङ्कले बिहीबार देखाएको छ।
अर्थ मन्त्रालयले सार्वजनिक गरेको प्रारम्भिक प्रतिवेदन अनुसार सेमिकन्डक्टर र अन्य इलेक्ट्रोनिक उपकरणको मागका कारण निर्यात १४.८ प्रतिशतले बढेर १०.५१ ट्रिलियन येन पुगेको छ भने आयात ९.७ प्रतिशतले बढेर १०.२१ ट्रिलियन येन पुगेको छ।
प्रतिवेदनले जापानको मध्यपूर्वबाट हुने कच्चा तेल आयात अप्रिलमा अघिल्लो वर्षको तुलनामा ६७ प्रतिशतभन्दा धेरैले घटेर ३८ लाख ४० हजार किलोलिटरमा झरेको देखाएको छ, जो सन् १९७९ मा तुलनात्मक तथ्याङ्क उपलब्ध भएयताकै सबैभन्दा कम मासिक स्तर हो।
तेल खरिदका लागि मध्यपूर्वमा धेरै निर्भर रहेको जापानले इरानमाथि अमेरिका र इजरायलको आक्रमणपछि विश्वव्यापी रूपमा महत्त्वपूर्ण ढुवानी मार्ग होर्मुज जलडमरूमध्य प्रभावकारी रूपमा बन्द भएपछि अमेरिकालगायत वैकल्पिक स्रोतबाट इन्धन खरिद गर्ने प्रयासलाई तीव्र बनाएको क्योदो न्युजले जनाएको छ। तथ्याङ्कले अमेरिकाबाट जापानी तेल आयातको मूल्य अघिल्लो वर्षको तुलनामा ११८.२ प्रतिशतले बढेको देखाएको छ।
