बेइजिङमा मञ्चन भयो ‘बक्रशिस शाब्द्रो’ : हृदयस्पर्शी सांस्कृतिक नाटकले दर्शकको मन जित्यो

बेइजिङ। पारम्परिक तिब्बती नृत्यनाटिका ‘बक्रशिस शाब्द्रो’ (शुभ नृत्य) बेइजिङमा सफलतापूर्वक मञ्चन भएको छ। सन् २०२६ को दोस्रो ‘हिउँदेशको पुरानो सहर, सुन्दर ल्हासा’ सांस्कृतिक पर्यटन महोत्सवको उद्घाटन प्रस्तुतिका रूपमा छनोट भएको यस नाटकले महोत्सवको औपचारिक सुरुवात गरेको छ।

उक्त नृत्यनाटिकाले विगत शताब्दीको असीको दशकमा तिब्बती सहायक चिकित्सक झा थेन र तिब्बती सङ्गीतकार दोर्जेबीचको गहिरो मित्रताको हृदयस्पर्शी कथा प्रस्तुत गर्छ। दुई पुस्ताले एकअर्कालाई गरेको हेरचाह, सहयोग र सांस्कृतिक आदानप्रदानको यो कथाले जातीय भिन्नता र जीवन–मरणको सीमा पार गरेको प्रेमको चित्रण गर्छ।

राष्ट्रियस्तरको अमूर्त सांस्कृतिक सम्पदा परियोजनाका रूपमा रहेको यस नृत्यनाटिकाले ल्हासे तोदझास अर्थात् माथिल्लो ल्हासाको लोकगीतलाई केन्द्रमा राख्दै दक्षिणी गीत, नाङमा, ठूलो गीत र गोलाकार नृत्यजस्ता तिब्बती परम्परागत नृत्यका धेरै विशेषतालाई सम्मिश्रण गरेको छ। यसरी नवीनतापूर्ण परिष्कृत सङ्गीत संयोजनमार्फत खुट्टाले ट्याप गर्ने नृत्य शैलीलाई सम्पूर्ण नाटकमा व्याप्त गराइएको छ, जसले मधुर र लयबद्ध नृत्य गतिमार्फत भावपूर्ण कथाहरूलाई दृश्य रूपमा प्रस्तुत गर्छ।

बेइजिङमा पहिलो पटक मञ्चन भएपछि यस नृत्यनाटिकालाई निरन्तर परिमार्जन र स्तरोन्नति गरिएको छ, जसले व्यापक दर्शकमाझ अझ दोषरहित र उत्कृष्ट कलात्मक सौन्दर्यको अनुभव प्रदान गरेको छ।