दार्दोको रात्रिकालीन सांस्कृतिक पर्यटनको नयाँ प्रतीक : पुरानो गल्लीमा अमूर्त सांस्कृतिक सम्पदाको जीवन्त प्रदर्शन

दार्दो — सिचुआन प्रान्तको दार्दो सहरमा गत मे २३ को साँझ ‘गदान थोग रिबोको मुन्तिर, एकताबद्ध मन र भावना’ भन्ने मूल नाराका साथ अमूर्त सांस्कृतिक सम्पदा मेला तथा सामूहिक कार्यक्रम सम्पन्न भएको छ। दार्दोको ऐतिहासिक पुरानो गल्ली सांस्कृतिक पर्यटनको प्रतीक र सार्वजनिक भेलास्थलका रूपमा परिणत भएको छ।

यो कार्यक्रम यसै वर्ष अप्रिल ८ मा आयोजित गदान थोग रिबो परिक्रमा सम्मेलनको मूल कार्यक्रमको एक हिस्सा हो। कार्यक्रमले पुरानो चिया व्यापार मार्गको गहिरो ऐतिहासिक पक्षलाई उजागर गर्नुका साथै अमूर्त सांस्कृतिक सम्पदाको पुनरुत्थान, पुराना गल्लीहरूको पुनर्निर्माण र रात्रिकालीन उपभोगमार्फत पुरानो सहरी क्षेत्रमा नयाँ जीवनशक्ति सञ्चार गरेको छ।

यस पटकको कार्यक्रममा पुरानो गल्लीको दुवैतर्फ पश्चिमी सांगीतिक प्रस्तुति, अमूर्त सांस्कृतिक सम्पदा हस्तकला, लोकनृत्य, ऐतिहासिक काव्य संस्कृति, युवा सांस्कृतिक नवप्रवर्तन र सार्वजनिक अन्तरक्रियाजस्ता एक दर्जनभन्दा बढी विशेष गतिविधिहरू अवलोकन तथा उपभोग गर्न सकिने व्यवस्था गरिएको थियो, जसले सहज रूपमा सांस्कृतिक पर्यटनको नयाँ अनुभव प्रदान गरेको छ।

कार्यक्रममा राष्ट्रिय तथा प्रान्तीय स्तरका तीन ठूला अमूर्त सांस्कृतिक सम्पदाहरू — मगोथाङ लेखन कला, कर्मा स्गर चित्रकला र गेसर संस्कृतिलाई एकै स्थानमा प्रदर्शन गरिएको थियो। सिचुआन प्रान्तीय तिब्बती विद्यालयको युवा सांस्कृतिक नवप्रवर्तन प्रदर्शनी कक्षमा तिब्बती चिकित्सा पद्धति, तिब्बती लिपि सुलेखन र नयाँ थाङ्का चित्रकलाको अनुभव लिनुका साथै तिनलाई उपभोग्य वस्तुका रूपमा खरिद–बिक्री पनि गर्न सकिने व्यवस्था मिलाइएको थियो।

दार्दो नगर सांस्कृतिक प्रसारण तथा पर्यटन ब्युरोका सम्बन्धित अधिकारीले यसपटकको कार्यक्रम अमूर्त सांस्कृतिक सम्पदालाई मुख्य आधार बनाएर आयोजना गरिएको बताए। उनका अनुसार यसको मुख्य उद्देश्य सांस्कृतिक आकर्षण बढाउने, आगन्तुकलाई आनन्द प्रदान गर्ने र उपभोग प्रवर्द्धन गर्दै पुरानो गल्लीलाई दार्दोको रात्रिकालीन सांस्कृतिक पर्यटन उपभोगको नयाँ प्रतीकका रूपमा स्थापित गर्नु रहेको छ।

दार्दो नगरपालिकाले भविष्यमा पनि अन्तर्राष्ट्रिय पारिस्थितिक सांस्कृतिक पर्यटन गन्तव्य निर्माणको लक्ष्यलाई निरन्तरता दिँदै सांस्कृतिक पर्यटनको स्वरूपलाई थप समृद्ध बनाउने, औद्योगिक सम्बन्ध विस्तार गर्ने र संस्कृतिले उद्योगलाई लाभ पुर्याउने तथा उद्योगले संस्कृतिको प्रवर्द्धन गर्ने बनाउँदै सांस्कृतिक पर्यटन स्रोतको उपलब्धिलाई उच्च गुणस्तरीय आर्थिक विकासको उपलब्धिमा रूपान्तरण गरी जनताको आय वृद्धि र सहरको गुणस्तर सुधार गर्न प्रयास जारी राख्ने जनाएको छ।