सी चिनफिङका कानुनी शासनसम्बन्धी संकलित रचना अंग्रेजीमा प्रकाशित
बेइजिङ । चिनियाँ कम्युनिस्ट पार्टी सीपीसी केन्द्रीय समितिका महासचिव सी चिनफिङका कानुनी शासनसम्बन्धी संकलित रचनाको पहिलो खण्ड अंग्रेजी भाषामा प्रकाशित भएको छ।
उक्त पुस्तक सेन्ट्रल कम्पाइलेसन एन्ड ट्रान्सलेसन प्रेसबाट प्रकाशित गरिएको हो। सीपीसी केन्द्रीय समितिको पार्टी इतिहास तथा साहित्य संस्थानले संकलन र अनुवाद गरेको यस खण्डमा सन् २०१२ डिसेम्बरदेखि सन् २०२५ फेब्रुअरीसम्म कानुनी शासनसम्बन्धी सी चिनफिङका महत्वपूर्ण तथा आधारभूत रचनाहरू समावेश गरिएको जनाइएको छ।
अंग्रेजी संस्करणले अन्तर्राष्ट्रिय पाठकलाई सी चिनफिङको कानुनी शासनसम्बन्धी दृष्टिकोण बुझ्न सहयोग गर्ने अपेक्षा गरिएको छ। साथै, नयाँ युगमा चिनियाँ विशेषतासहितको समाजवादी कानुनी शासन निर्माणका क्रममा भएका ऐतिहासिक परिवर्तन र उपलब्धिबारे पनि पाठकलाई थप जानकारी प्राप्त हुने बताइएको छ।
चीनले पछिल्ला वर्षहरूमा कानुनी शासन, राज्य सञ्चालन, संस्थागत सुधार र समाजवादी प्रणालीको आधुनिकीकरणलाई उच्च प्राथमिकतामा राख्दै आएको छ। यसै सन्दर्भमा प्रकाशित अंग्रेजी संस्करणलाई चीनको राजनीतिक, कानुनी र वैचारिक दृष्टिकोणलाई अन्तर्राष्ट्रिय समुदायसम्म पुर्याउने प्रयासका रूपमा हेरिएको छ।
प्रकाशनले चिनियाँ विशेषतासहितको समाजवादी कानुनी शासनको अवधारणा, त्यसको विकासक्रम र नयाँ युगमा शासन प्रणाली सुदृढीकरणका लागि अघि सारिएका सिद्धान्तलाई बुझ्न विदेशी अध्ययनकर्ता, नीति विश्लेषक तथा पाठकका लागि उपयोगी हुने अपेक्षा गरिएको छ।
