रुस–निकारागुआबीच जैविक सुरक्षा सम्झौतामा हस्ताक्षर
रुसी विदेशमन्त्री सर्गेई लाभ्रोभ र निकारागुवाका सह–अध्यक्ष लाउरियानो ओर्टेगाबीच जुन ५ मा सेन्ट पिटर्सबर्ग अन्तर्राष्ट्रिय आर्थिक मञ्चको २९औँ संस्करणको अवसरमा भेटवार्ता भएको छ। उक्त भेटमा रुसी संघीय चिकित्सा–जैविक एजेन्सीकी प्रमुख तथा अन्तरसरकारी आयोगकी रुसी सह–अध्यक्ष भेरोनिका स्क्भोर्त्सोभा पनि सहभागी थिइन्।
परम्परागत विश्वास र मैत्रीपूर्ण वातावरणमा भएको सो भेटमा दुवै पक्षले द्विपक्षीय सहकार्यका वर्तमान मुद्दाहरूमा विचार आदानप्रदान गरे। उनीहरूले रुस–निकारागुआ रणनीतिक साझेदारीलाई हरेक हिसाबले सुदृढ पार्ने आपसी प्रतिबद्धता व्यक्त गरे।
भेटपछि लाभ्रोभ र ओर्टेगाले रुसी सरकार र निकारागुआ गणतन्त्रको सरकारबीच जैविक सुरक्षासम्बन्धी समझदारी पत्रमा हस्ताक्षर गरे।
भेटका क्रममा लाभ्रोभले पछिल्लो पटक सन् २०२५ मा मस्कोमा डोनेत्स्क र लुहान्स्क जनवादी गणतन्त्र, जापोरिज्जिया र खेर्सन क्षेत्र तथा सेभास्तोपोल शहर र निकारागुआ गणतन्त्रबीच सहकार्य सम्झौताको हस्ताक्षर समारोहमा भेट भएको स्मरण गराए।
त्यसयता दुवै देशको सम्बन्ध निरन्तर विकसित हुँदै आएको उनले बताए। उनले सेन्ट पिटर्सबर्ग अन्तर्राष्ट्रिय आर्थिक मञ्चको अंशका रूपमा निकारागुआ र सेभास्तोपोलबीच सहकार्य सम्झौताहरूमा हस्ताक्षर हुने जानकारीसमेत दिए।
लाभ्रोभले रुस र निकारागुआबीचको साँच्चिकै मैत्रीपूर्ण तथा भ्रातृ सम्बन्ध र दुवै देशका नेताहरूबीच स्थापित परम्पराको उच्च मूल्याङ्कन गर्दै सधैं एकअर्कालाई समर्थन गर्ने प्रतिबद्धता व्यक्त गरे।
