रुसी राष्ट्रपति पुटिनको भनाइ – चीनको विकास बलियो र विश्वमा भूमिका बढ्दो
रुसी राष्ट्रपति भ्लादिमिर पुटिनले बिहीबार चीनको विकास बलियो रूपमा भइरहेको तथा विश्व अर्थतन्त्र, विश्व राजनीति र अन्तर्राष्ट्रिय मामिलामा उसको भूमिका दिनप्रतिदिन बढ्दो रहेको बताएका छन्।
२९औँ सेन्ट पिटर्सबर्ग अन्तर्राष्ट्रिय आर्थिक मञ्च (एसपीआइइएफ) मा सहभागी प्रमुख अन्तर्राष्ट्रिय समाचार संस्थाका प्रमुखहरूसँगको भेटमा पुटिनले रुस र चीनका राष्ट्र प्रमुखहरूबीचको सुमधुर सम्बन्ध द्विपक्षीय सम्बन्धका लागि नयाँ सम्भावनाहरू खोल्ने ठोस आधार भएको बताए।
‘प्रयोगात्मक वार्तालाप : स्थिर भविष्यको बाटो’ भन्ने थिममा आयोजना भइरहेको २९औँ एसपीआइइएफले विश्व अर्थतन्त्रमा जारी परिवर्तनका बीचमा वैश्विक विकासको नयाँ मोडेलहरू प्रवर्द्धनमा केन्द्रित रहेको छ।
