लाभरोभ–डोडिक भेटवार्तामा मस्को–बान्या लुका सहकार्यबारे छलफल
काठमाडौं । रुसी विदेशमन्त्री सर्गेई लाभरोभ र रिपब्लिका स्र्प्स्काका पूर्वराष्ट्रपति तथा स्वतन्त्र सामाजिक लोकतान्त्रिक गठबन्धनका अध्यक्ष मिलोराद डोडिकबीच भेटवार्ता भएको छ।
सेन्ट पिटर्सबर्ग अन्तर्राष्ट्रिय आर्थिक मञ्चको २९औँ संस्करणका क्रममा जुन ५ मा भएको भेटमा मस्को र बान्या लुकाबीचको साझेदारीपूर्ण सम्बन्धलाई थप गहिरो बनाउने विषयमा छलफल भएको हो।
रुसी राष्ट्रपति भ्लादिमिर पुटिन, रिपब्लिका स्र्प्स्काका राष्ट्रपति सिनिसा कारान र मिलोराद डोडिकबीच गत मे ९ मा मस्कोमा भएको कुराकानीको निरन्तरताका रूपमा यो भेटवार्ता भएको जनाइएको छ।
भेटमा लाभरोभ र डोडिकले बोस्निया तथा हर्जगोभिनासँग सम्बन्धित राजनीतिक समाधान प्रक्रियाको पछिल्लो अवस्थाबारे पनि विचार आदानप्रदान गरेका थिए। छलफलका क्रममा बोस्निया तथा हर्जगोभिनाका लागि उच्च प्रतिनिधिको कार्यालयको भूमिकासहित समसामयिक राजनीतिक विषयमा समीक्षा गरिएको थियो।
सेन्ट पिटर्सबर्ग अन्तर्राष्ट्रिय आर्थिक मञ्चका अवसरमा भएको यो भेटलाई मस्को र बान्या लुकाबीचको राजनीतिक संवाद तथा साझेदारीलाई निरन्तरता दिने प्रयासका रूपमा हेरिएको छ।
