चीन–म्यानमार आर्थिक करिडोर बीआरआई सहकार्यको प्रमुख परियोजना : राष्ट्रपति सी
बेइजिङ । चिनियाँ राष्ट्रपति सी चिनफिङले चीन–म्यानमार आर्थिक करिडोर दुई देशबीचको बेल्ट एन्ड रोड सहकार्यको प्रमुख परियोजना भएको बताएका छन्।
मंगलबार बेइजिङमा म्यानमारका राष्ट्रपति मिन आङ ह्लाइङसँग वार्ता गर्दै राष्ट्रपति सीले दुवै पक्षले सुरक्षा सुनिश्चित गर्दै प्रमुख परियोजनाहरूको निर्माणलाई स्थिर रूपमा अघि बढाउनुपर्ने बताए।
उनका अनुसार चीन–म्यानमार आर्थिक करिडोरले म्यानमारको आर्थिक विकासलाई सहयोग गर्नुका साथै जनताको जीवनस्तर सुधारमा योगदान पुर्याउन सक्छ।
राष्ट्रपति सीले दुवै देशबीचको व्यावहारिक सहकार्यलाई थप सुदृढ गर्दै प्रमुख पूर्वाधार तथा विकास परियोजनाहरूलाई प्रभावकारी रूपमा अघि बढाउनुपर्नेमा जोड दिए।
उनले चीन र म्यानमारबीचको आर्थिक करिडोरलाई दुई देशको दीर्घकालीन सहकार्य, क्षेत्रीय सम्पर्क सञ्जाल विस्तार र साझा विकासका दृष्टिले महत्वपूर्ण परियोजनाका रूपमा प्रस्तुत गरे।
