चीनको विकास अभिलेख समेटिएको ‘२०२५ चाइना बर्ष पुस्तक’ प्रकाशित
काठमाडौँ। “२०२५ चाइना बर्ष पुस्तक” का चिनियाँ र अंग्रेजी संस्करण सिन्ह्वा प्रकाशन गृहबाट प्रकाशित भएका छन्। यी संस्करणहरू चीनभित्र र विदेशमा वितरण गरिने जनाइएको छ।
चिनियाँ संस्करणले सन् २०२४ मा चीनको सुधार, खुलापन र आधुनिकीकरण प्रक्रियासँग जोडिएका प्रमुख घटनाहरूलाई विस्तृत रूपमा अभिलेख गरेको छ। यो संस्करण २४ लाखभन्दा बढी चिनियाँ अक्षरमा तयार गरिएको छ र ऐतिहासिक महत्वका १०० भन्दा बढी तस्बिर समावेश गरिएको छ।
अंग्रेजी संस्करणमा चीनको राष्ट्रिय अवस्था, राजनीतिक दल प्रणाली, राज्य संस्था र अन्य प्रमुख विषयहरू समेटिएका छन्। यो संस्करण १० लाखभन्दा बढी शब्दमा तयार गरिएको छ र यसमा पनि १०० भन्दा बढी तस्बिर राखिएको छ।
“चाइना इयरबुक” सन् १९८१ मा पहिलोपटक प्रकाशित भएको थियो। त्यसयता यसको ४५ वटा संस्करण निरन्तर प्रकाशित भइसकेका छन्। यसलाई चीनको राष्ट्रिय विकास, शासन प्रणाली, नीति, अर्थतन्त्र, समाज, संस्कृति र आधुनिकीकरण यात्राको वार्षिक अभिलेखका रूपमा प्रस्तुत गरिँदै आएको छ।
सिन्ह्वा प्रकाशन गृहबाट प्रकाशित यो वार्षिक पुस्तकलाई चीनको पछिल्लो विकास, नीति दिशा र देशभित्र भएका महत्वपूर्ण घटनाहरू बुझ्ने सन्दर्भ सामग्रीका रूपमा हेरिन्छ। चिनियाँ र अंग्रेजी दुवै संस्करणको प्रकाशनले चीनबारे जानकारी स्वदेशी तथा अन्तर्राष्ट्रिय पाठकसम्म पुर्याउने उद्देश्य राखेको देखिन्छ।
