राष्ट्रपति सीद्वारा चीनको सर्वोच्च विज्ञान तथा प्रविधि पुरस्कार प्रदान
ड्रागन मिडिया समाचार कक्ष
चीनका राष्ट्रपति सी चिनफिङले बुधबार आयोजित उच्चस्तरीय राष्ट्रिय समारोहमा देशको सर्वोच्च विज्ञान तथा प्रविधि पुरस्कार प्रदान गर्नुका साथै महत्वपूर्ण सम्बोधन गरेका छन्।
विज्ञान तथा प्रविधिका क्षेत्रमा विशिष्ट योगदान पुर्याउने वैज्ञानिक तथा अनुसन्धानकर्तालाई सम्मान गर्न बेइजिङमा आयोजित समारोहमा चीनको वैज्ञानिक समुदाय, प्राज्ञिक संस्था र प्रविधि क्षेत्रका प्रतिनिधिको सहभागिता थियो।
समारोहले राष्ट्रिय विज्ञान तथा प्रविधि पुरस्कार सम्मेलन, चिनियाँ विज्ञान प्रतिष्ठान र चिनियाँ इन्जिनियरिङ प्रतिष्ठानका सदस्यहरूको महासभा तथा चीन विज्ञान तथा प्रविधि सङ्घको ११औँ राष्ट्रिय महाधिवेशनलाई एकै मञ्चमा समेटेको छ।
चीनको विज्ञान तथा प्रविधि क्षेत्रको नीति, अनुसन्धान प्राथमिकता, प्रतिभा विकास र नवप्रवर्तनसम्बन्धी आगामी दिशाबारे छलफल गर्न आयोजित बैठकलाई राष्ट्रपति सीले सम्बोधन गरेका हुन्।
चीनले वैज्ञानिक तथा प्राविधिक आत्मनिर्भरता, मौलिक अनुसन्धान, उच्चस्तरीय प्रतिभा विकास तथा औद्योगिक रूपान्तरणलाई राष्ट्रिय आधुनिकीकरणको महत्वपूर्ण आधारका रूपमा अघि बढाउँदै आएको छ। उक्त संयुक्त बैठकलाई चीनको वैज्ञानिक तथा प्राविधिक विकासको आगामी चरणका प्राथमिकता निर्धारण गर्ने महत्वपूर्ण राष्ट्रिय मञ्चका रूपमा हेरिएको छ।
