प्रधानमन्त्री शाहले आज साँझ देशबासीका नाममा सम्बोधन गर्ने तयारी
ड्रागन मिडिया समाचार कक्ष
प्रधानमन्त्री बालेन्द्र शाहले बिहीबार साँझ देशबासीका नाममा सम्बोधन गर्ने तयारी गर्नुभएको छ।
प्रधानमन्त्रीको सचिवालय स्रोतका अनुसार समसामयिक परिस्थितिबारे देशबासीलाई जानकारी गराउने उद्देश्यले सम्बोधनको तयारी गरिएको हो। सम्बोधनको निश्चित समय भने अझै तय भइसकेको छैन।
प्रधानमन्त्री शाहले सम्बोधनमार्फत उठाउनुहुने विषयवस्तुबारे सचिवालयले औपचारिक जानकारी सार्वजनिक गरेको छैन।
यसैबीच, गृहमन्त्री सुधन गुरुङले बिहीबार अपराह्न प्रधानमन्त्री शाहसँग भेट गर्नुभएको छ। भेटपछि उहाँ सुनसरी प्रस्थान गर्ने तयारीमा रहनुभएको सचिवालय स्रोतले जनाएको छ।
सुनसरीको कप्तानगञ्जमा भएको हिंसात्मक घटना र त्यसपछि विभिन्न क्षेत्रमा देखिएको तनावका बीच गृहमन्त्री गुरुङ घटनास्थलको अवस्था बुझ्न तथा सुरक्षा व्यवस्थाबारे जानकारी लिन सुनसरी जान लाग्नुभएको हो।
गृह मन्त्रालयको आधिकारिक विवरणमा सुधन गुरुङ हाल गृहमन्त्रीका रूपमा कार्यरत रहेको उल्लेख छ।
