रुस–युक्रेन शान्तिवार्ता पुनः सुरु गराउन प्रयास तीव्र पार्ने अमेरिकी तयारी
ड्रागन मिडिया समाचार कक्ष
अमेरिकाले रुस र युक्रेनबीच स्थगित शान्तिवार्ता पुनः सुरु गराउने उद्देश्यले निकट भविष्यमा कूटनीतिक प्रयास तीव्र पार्ने तयारी गरेको अमेरिकी विदेशमन्त्री मार्को रुबियोले बताउनुभएको छ।
फक्स न्यूजसँगको अन्तर्वार्तामा रुबियोले दुवै पक्षलाई पुनः वार्ताको प्रक्रियामा ल्याउन अमेरिका मध्यस्थ भूमिका निर्वाह गर्न तयार रहेको उल्लेख गर्नुभएको हो। उहाँले युद्धको समाधान वार्तामार्फत खोजिनुपर्ने अमेरिकी धारणा दोहोर्याउनुभएको छ।
यद्यपि वार्ता पुनः सुरु गराउने नयाँ पहल कहिलेदेखि र कुन ढाँचामा अघि बढाइने भन्नेबारे उहाँले विस्तृत कार्यतालिका सार्वजनिक गर्नुभएको छैन।
