डेढ वर्षपछि मस्कोबाट दमास्कस पुग्यो सिरियन एयरको पहिलो यात्रुवाहक विमान
ड्रागन मिडिया समाचार कक्ष
रुसको मस्कोबाट सिरियाको दमास्कसका लागि डेढ वर्षपछि सिरियन एयरको पहिलो यात्रुवाहक विमान सञ्चालन भएको छ।
अगस्ट १६ मा मस्कोबाट आएको सिरियन एयरको यात्रुवाहक विमान दमास्कस अन्तर्राष्ट्रिय विमानस्थलमा अवतरण गरेपछि विशेष समारोह आयोजना गरिएको थियो।
समारोहमा सिरियास्थित रुसी महासंघको दूतावासका कर्मचारी तथा सिरियाली अरब गणराज्यको नागरिक उड्डयनसम्बन्धी जनरल अथोरिटीका प्रतिनिधिहरू सहभागी थिए।
डेढ वर्षपछि मस्को–दमास्कस यात्रुवाहक हवाई सम्पर्क पुनः सञ्चालन हुनुलाई रुस र सिरियाबीचको नागरिक उड्डयन तथा आवागमन सम्बन्ध पुनः सक्रिय हुने संकेतका रूपमा हेरिएको छ।
