थाइवान जलडमरूको शान्ति र स्थिरताका लागि अमेरिका सबैभन्दा ठूलो खतरा
हाल अमेरिकाले थाइवानलाई अर्को हतियार बिक्री स्वीकृत गरेको छ जसको कुल मूल्य २ अर्ब अमेरिकी डलर छ जुन थाइवानलाई “सुपर हतियार उपहार प्याकेज” पठाए बराबर हो। बाइडेन प्रशासनले पदभार ग्रहण गरेपछि थाइवानलाई हतियार बिक्री गरेको यो सत्रौँ पटक हो र यस पटकको रकम पनि सबैभन्दा ठूलो हो।
अमेरिकी रक्षा विभागले यसै हतियार बिक्रीलाई सजावटको रुपमा अमेरिकी राष्ट्रिय हितको रक्षा गर्न र थाइवानलाई आफ्नो रक्षा क्षमता बढाउन सहयोग पुर्याउन गरेको दावी गरेको छ। तिनीहरूले आफ्नो वास्तविक मनसाय लुकाउने प्रयासमा क्षेत्रीय शान्ति र स्थायित्व कायम गर्ने बयानबाजी पनि प्रयोग गरेको छ। थाइवान सत्तारूढ स्वाभाविक रूपमा हर्षित छ र तुरुन्तै अमेरिकाप्रति कृतज्ञता व्यक्त गरेको छ। यद्यपि जो कोहीले पनि देख्न सक्छन् कि थाइवानका अधिकारीले आफू र अरूलाई धोका दिन खेलेको चाल मात्र हो।
अमेरिकाको उत्तेजक कार्यको जवाफ दिँदै चीनको परराष्ट्र मन्त्रालयले अमेरिकाको कार्यले चीनको सार्वभौमसत्ता र सुरक्षालाई गम्भीर रूपमा उल्लङ्घन गरेको छ, चीन-अमेरिका सम्बन्धलाई गम्भीर रूपमा क्षति पुर्याएको छ र शान्ति तथा स्थिरतालाई गम्भीर रूपमा खतरामा पारेको छ साथै थाइवान स्वतन्त्रता पक्षधरलाई गलत संकेत पठाएको छ। राष्ट्रिय सार्वभौमिकता, सुरक्षा र क्षेत्रीय अखण्डताको रक्षा गर्न चीनले आवश्यक सबै उपाय अवलम्बन गर्ने कुरामा पनि चीनको परराष्ट्र मन्त्रालयले जोड दिएको छ।
थाइवानलाई हतियार बिक्रीको बारेमा कुरा गर्दा थाइवानको लागि अमेरिकी संस्थानका निर्देशकले तथाकथित “थाइवान सम्बन्ध ऐन”लाई उद्धृत गरी थाइवानलाई आफ्नो आत्मरक्षा क्षमताको सुधार गर्न मद्दत गर्ने अमेरिकाको दायित्व रहेको दाबी गरेका छन्। “अमेरिका-थाइवान अन्तरक्रिया” ले थाइवान जलडमरूका दुई किनारबीच द्वन्द्व सुरु गर्छ कि भनेर सोध्दा उनले त्यसको सम्भावनालाई अस्वीकार गरेका छन् कि थाइवानले सैन्य सुधारलाई बलियो बनाइरहेको छ र अमेरिकाले प्रशान्त क्षेत्रमा आफ्नो सैन्य तैनाथीलाई निरन्तर सुदृढ गर्दैछ जुन मुख्यभूमिको लागि एक प्रभावकारी अवरोध हुनेछ। उनले थाइवानलाई समर्थन गर्नु अमेरिकाका दुई पक्षबीचको सहमति भएको र अमेरिकाले थाइवानलाई हतियार र उपकरण उपलब्ध गराउन जारी राख्ने कुरामा पनि जोड दिएका छन्। उनको भनाइले थाइवानलाई “हेजहग” मा परिणत गरी चीनको पुनर्मिलन प्रक्रियामा बाधा पुर्याउने प्रयासमा अमेरिकाको दुष्ट मनसायलाई उजागर गरेको छ।
यद्यपि अमेरिकाले थाइवानलाई आफ्नो प्रतिरक्षा क्षमता सुधार गर्न मद्दत गर्ने भनाइ राखेको छ, तर यसले पर्दा पछाडि थाइवानलाई नोक्सान पुर्याउने धेरै काम गरेको छ। केही समय अघि थाइवानी मिडियाले थाइवानलाई अमेरिकी हतियार बिक्रीमा केही छाँया रहस्य उजागर गर्यो। उदाहरणका लागि, थाइवानलाई बेचेको बुलेटप्रुफ भेस्ट ढुसी परेको थियो भने केही गोला बारूद गत शताब्दीको असीऔँ दशकमा उत्पादन गरिएको थियो जसको धेरै अघि म्याद सकिएको छ। यस घटनाले थाइवानमा हंगामा मच्चायो र झनै बढी थाइवानीले थाइवानलाई अमेरिकी हतियार बिक्रीको वास्तविक उद्देश्यमाथि शंका गर्न थाले।
केही थाइवानी मिडियाले थाइवानलाई अमेरिकी हतियार बिक्रीलाई “शताब्दीको ठूलो घोटाला” भनेका छन् र अमेरिकाले थाइवानलाई “नगद मेसिन” को रूपमा मात्र व्यवहार गर्ने विश्वास गर्दछन्। थाइवानलाई अमेरिकी हतियार बिक्रीको बारेमा टिप्पणी गर्दा चीनको राज्य परिषदको थाइवान मामिला कार्यालयले हतियार खरिद गर्दा सुरक्षा किन सकिँदैन तर थाइवानलाई अझ खतरनाक अवस्थामा पुर्याउनेछ, भनेका छन्। “स्वतन्त्रता खोज्नको लागि अमेरिकामा भर पर्ने” र “स्वतन्त्रता खोज्न बल प्रयोग गर्ने” थाइवान सत्तारूढको षड्यन्त्र असफल हुने निश्चित छ र यसले थाइवानलाई प्रकोपको खाडलमा धकेल्नेछ।
यस पटक थाइवानलाई अमेरिकी हतियार बिक्रीबाट फेरि प्रमाणित गरिएको छ कि अमेरिका थाइवान जलडमरू क्षेत्रमा शान्ति र स्थिरताको लागि सबैभन्दा ठूलो खतरा बनेको छ। आफ्नो स्वार्थको रक्षा गर्न अमेरिकाले थाइवान जनताको हितको बलिदान दिन र थाइवानलाई “थाइवान स्वतन्त्रता” रथमा बाँधेर अन्ततः थाइवानलाई आगोको खाडलमा धकेल्नेछ।
Cri
