चीनको गार्जेमा मिन्याक क्षेत्रको ऐतिहासिक तथा सांस्कृतिक सम्पदा संरक्षणबारे गोष्ठी
ड्रागन मिडिया समाचार कक्ष
चीनको गार्जे क्षेत्रमा मिन्याक ताइनिङ अर्थात गारथार क्षेत्रको ऐतिहासिक तथा सांस्कृतिक सम्पदा संरक्षण र पर्यटन विकाससम्बन्धी गोष्ठी आयोजना गरिएको छ।
गोष्ठीमा स्थानीय इतिहास, परम्परागत संस्कृति, सांस्कृतिक सम्पदाको संरक्षण तथा त्यसलाई आधुनिक पर्यटन विकाससँग एकीकृत गर्ने विषयमा छलफल गरिएको छ। स्थानीय पहिचान र परम्परागत ज्ञानलाई जोगाउँदै पर्यटनमार्फत आर्थिक तथा सामाजिक विकासका अवसर विस्तार गर्ने विषयलाई कार्यक्रमले प्राथमिकता दिएको छ।
कार्यक्रममा तिब्बती सांस्कृतिक सम्पदा, स्थानीय समुदायको जीवनशैली, परम्परागत अभ्यास तथा ऐतिहासिक धरोहरलाई भावी पुस्तासम्म हस्तान्तरण गर्ने उपायबारे पनि विचार आदानप्रदान गरिएको छ।
गार्जे क्षेत्रमा पछिल्ला वर्षहरूमा सांस्कृतिक सम्पदा संरक्षणलाई स्थानीय पर्यटन, सामुदायिक सहभागिता र क्षेत्रीय विकाससँग जोड्ने प्रयासलाई महत्व दिइँदै आएको छ।
