चीनले दुई समूहका नयाँ रिमोट सेन्सिङ उपग्रह प्रक्षेपण गर्यो
ड्रागन मिडिया समाचार कक्ष
चीनले बिहीबार उत्तरपश्चिमी चीनस्थित च्युछ्वान उपग्रह प्रक्षेपण केन्द्रबाट रिमोट सेन्सिङ उपग्रहका दुई नयाँ समूह सफलतापूर्वक अन्तरिक्षमा पठाएको छ।
याओगान-५३ र याओगान-५६ समूहका उपग्रहहरू बेइजिङ समयअनुसार साँझ ५ बजे लङ मार्च-४बी वाहक रकेटमार्फत प्रक्षेपण गरिएको हो। प्रक्षेपणपछि सबै उपग्रह निर्धारित कक्षामा सफलतापूर्वक प्रवेश गरेका छन्।
यी उपग्रहहरू मुख्यतः वैज्ञानिक प्रयोग, भूमि तथा प्राकृतिक श्रोत सर्वेक्षण, कृषि उत्पादनको अनुमान तथा विपद रोकथाम र न्यूनीकरणसम्बन्धी कार्यमा प्रयोग गरिनेछ।
यो प्रक्षेपणसँगै चीनको लङ मार्च श्रृंखलाका वाहक रकेटहरूको कुल प्रक्षेपण अभियान संख्या ६६६ पुगेको छ। चीनले अन्तरिक्ष प्रविधिलाई वैज्ञानिक अनुसन्धान, कृषि व्यवस्थापन, प्राकृतिक श्रोत अनुगमन तथा विपद व्यवस्थापनसँग जोड्दै आफ्नो भू-अवलोकन क्षमता निरन्तर विस्तार गरिरहेको छ।
