खाद्य अभावका कारण साइबेरियाका भालु बढी आक्रामक बन्दै
ड्रागन मिडिया समाचार कक्ष
रुसको साइबेरिया क्षेत्रमा पाइने भालुहरू कामचाट्काका खैरो भालुभन्दा बढी आक्रामक व्यवहार देखाउन थालेका छन्। पर्याप्त आहारको अभावलाई यसको प्रमुख कारण मानिएको छ।
क्रोनोत्स्की राज्य प्राकृतिक आरक्षका अनुसन्धानकर्ता तथा वन्यजन्तु जीवविज्ञानी भ्लादिमिर गोर्दिएन्कोले रुसी समाचार संस्था ताससँग कुरा गर्दै साइबेरियाका भालुहरूको व्यवहार तुलनात्मक रूपमा बढी आक्रामक देखिएको बताएका हुन्।
उनका अनुसार कामचाट्काका खैरो भालुहरू पनि पछिल्लो समय सक्रिय रूपमा मानव बस्तीमा प्रवेश गरिरहेका छन्। प्राकृतिक क्षेत्रमा उपलब्ध खाद्य श्रोत घट्दा भालुहरू खानाको खोजीमा बस्ती तथा मानव गतिविधि हुने क्षेत्रमा पुग्ने क्रम बढेको बताइएको छ।
खाद्य अभावले भालुको प्राकृतिक व्यवहारमा परिवर्तन ल्याउनुका साथै मानव र वन्यजन्तुबीचको द्वन्द्वको जोखिमसमेत बढाउन सक्ने विज्ञहरूको भनाइ छ।
