साउदीका तेल केन्द्रका कर्मचारीलाई कार्यस्थल छाड्न हुथीको चेतावनी
ड्रागन मिडिया समाचार कक्ष
यमनको हुथी आन्दोलनका सैन्य प्रवक्ता याह्या सारीले साउदी अरबका तेल केन्द्रमा कार्यरत कर्मचारीलाई कार्यस्थलबाट टाढा रहन चेतावनी दिएका छन्। उनले ती केन्द्रमा थप आक्रमण हुन सक्ने संकेत दिएका छन्।
सारीले इन्जिनियर, प्राविधिक र अन्य कर्मचारीलाई हुथी सेनाले निशाना बनाएका केन्द्रबाट टाढा रहन आग्रह गर्दै त्यहाँ बस्दा ज्यान जोखिममा पर्न सक्ने बताएका छन्। उनका अनुसार चेतावनी यसअघि आक्रमण भएका केन्द्र र नयाँ सम्भावित निशाना दुवैका लागि हो।
उनले अन्तर्राष्ट्रिय वायुसेवा कम्पनी, यात्रु र साउदी विमानस्थलका कर्मचारीलाई पनि साउदी हवाई क्षेत्रको जोखिमबारे पुनः सचेत गराएका छन्।
