मतदाता सूचीबाट १३ करोडभन्दा बढी नाम हटेको विवाद चर्कियो
ड्रागन मिडिया समाचार कक्ष
भारतमा मतदाता सूचीको विशेष पुनरावलोकनका क्रममा १३ करोडभन्दा बढी नाम हटाइएको विषयलाई लिएर विरोध प्रदर्शन चर्किएको छ। विपक्षी दल, विद्यार्थी समूह र युवाहरूको आन्दोलनले प्रमुख निर्वाचन आयुक्त ज्ञानेश कुमारको राजीनामा माग्दै आएका छन्।
एसोसिएटेड प्रेसका अनुसार हटाइएका नाममध्ये धेरैले पुनरावेदन गरेका छन्। विपक्षी दलहरूले प्रक्रियाबाट आफ्ना समर्थक बढी प्रभावित भएको आरोप लगाएका छन्। निर्वाचन आयोग र सरकारले भने दोहोरिएका तथा अयोग्य मतदाताका नाम हटाउन पुनरावलोकन गरिएको बताएका छन्।
नाम हटाइएका नागरिकले पुनः नाम दर्ताका लागि निवेदन दिन सक्ने भए पनि आवश्यक कागजात जुटाउन कठिन हुन सक्ने भन्दै आलोचकहरूले प्रक्रिया जटिल भएको बताएका छन्। नाम हटाइएका सबै नागरिकलाई सहज र समयमै पुनरावेदनको अवसर दिनुपर्ने माग पनि उठेको छ।
