सन् २०२८–२०३४ को बजेटमा ईयू नेताबीच सहमति जुटेन
ड्रागन मिडिया समाचार कक्ष
युरोपेली सङ्घका नेताहरू सन् २०२८ देखि २०३४ सम्मका लागि प्रस्तावित १.७६ ट्रिलियन युरो (करिब १.९७ ट्रिलियन अमेरिकी डलर) को बहुवर्षीय वित्तीय रूपरेखाबारे सहमतिमा पुग्न असफल भएका छन्। बजेटमा बढी रकम योगदान गर्ने सदस्य र त्यसबाट लाभ लिने सदस्यबीच तीव्र मतभेद देखिएको बैठकमा सहभागी एक युरोपेली स्रोतले पत्रकारहरूलाई बताएको छ।
“नेताहरूले सात वर्षे बजेट योजनाबारेको छलफल टुङ्ग्याएका छन्। युरोपेली आयोगको १.७६ ट्रिलियन युरोको प्रस्ताव अस्वीकृत भएको छ। बजेट १४० अर्ब युरोले घटाउने प्रस्तावले पनि पर्याप्त समर्थन पाएन,” ती कूटनीतिज्ञले भने।
समाधान खोज्न नेताहरूले नोभेम्बर २६ मा हुने विशेष बैठकमा छलफल जारी राख्ने उनले बताए।
यसअघि युरोपेली संसद्की अध्यक्ष रोबर्टा मेट्सोलाले युरोपेली सङ्घको बजेटमा योगदान गर्ने र त्यसबाट लाभ लिने सदस्यबीच “अभूतपूर्व विभाजन” देखिएको बताएकी थिइन्।
